Sedex boqol oo qays oo 4 toddobaad ka hor ka soo qaxay dagaallada ka socda dalka Yeman kuna sugan magaalada Berbera ayaa codsaday in lagu caawiyo sidii ay ku tagi lahaayeen deegaanada ay ka soo jeedaan.
Makka Cabdi oo ka mid ah dadka halkaasi ku sugan ayaa Radio Ergo u sheegtay in markii hore ay ka tagay magaalada Baydhabo ee xarunta gobolka Bay haddana ay codssanayna in lagu caawiyo inay dib ugu noqoto magaaladii.
Dhuwada waa hooyo 75 jir ah waxay sheegtay in 13 sano ay ku nooleyd dalka Yemen hadana ay ka soo qaxday magaalada Sanca, waxay tilmaantay in laba ka mid ah carruurteeda ay ka soo tagtay uuna la socdo wiil ay ayeeyo u tahay, horayna ay uga qaxday magaalada Muqdishu kadib markii uu madac dilay ninkeedii.
Dhuwada ayaa sidoo kale sheegtay inay dadka oo dhan ay kuwada jiraan hal goob oo kor ka dadan balse hoose isaga furan oo dadka oo dhan ay is dhex jifaan, waxayna intaa ku dartay haddii ay hesho cid ku caawis inay tagto deegaankeedi ay ugu baahan tahay inkastoo ay xustay inaysan ku lahayn guri.
Dadkaan ayaa sidoo kale sheegaya in cimilada kulul ee Berbera carruurta qaarkeed uu ku dhacay xanuunka jirka, waxaa sidoo kale jir ciriri dhanka musqulaha ah.
Waxaa sidoo kale goobtaas ku sugan qaxooti Yemen-niyiin ah sida ay Ergo u sheegayso Adna Cabdi oo tilmaantay inaysan garanayn meel ay u dhaafto Berbera maadaama dalkeedi ay uga soo qaxday dagaallo.
Makka Cabdi waxay sheegtay in qado, quraac iyo casho ay helaan.
