Sharci lagu mamnuucayo isticmaalka iyo ka ganacsiga bacda ayaa laga soo saaray Puntland. Sharciga oo uu dhowaan ansixiyay baarlamaanka Puntland ayaa dhaqan galkiisu uu billaabanayaa wixii ka dambeeya 15-ka bishaan aan ku jirno ee December.
Agaasimaha wasaaradda ganacsiga iyo warshadaha ee Puntland Cabdicasiis Caydiid Xirsi, oo u warramay Raadiyo Ergo ayaa sheegay in dadka ka ganacsada iyo kuwa soo dejiya bacdaba ay waajib ku tahay inay wixii xilligaas loo gaaro ay raacaan sharcigaan mamnuucaya bacaha.
Wuxuu tilmaamay in qofki lagu qabto isagoo bac iibinaya ama la soo degaya la ganaaxi doono. Agaasimaha ayaa taleefanka ugu warramay Leyla Cabdi Maxamed oo ka tirsan Raadiyo Ergo.
