Magaalada Nairobi iyo qeybo kale oo ka tirsan dalka kenya waxaa afartii bilood ee u dambeeyay ka socday olole buugaag loogu aruurinayo ardayda ku nool xeryaha qaxootiga Dhadhaab.
Ardaydaas waxay baahi weyn u qabaan inay helaan buugaagta wax laga akhristo. Ku dhowaad boqolkii arday ee ku nool Dhadhaab ayaa wadaaga hal buug oo akhris ah, waxayna caqabad ku tahay hannaanka waxbarasho ee ardayda.
Saciid Anteeno oo ka tirsan Raadiyo Ergo ayaa arrintaan ka wareystay Cabdullaahi Mire oo ah guddoomiyaha kooxda Drive Book oo buugaagta u aruurineysa ardayda qaxootiga ah, wuxuu marka hore weydiiyay inuu faahfaahin ka bixiyo buugaagta loo aruurunayo ardayda Soomaalida ah ee ku nool Dhadhaab.
