Waxaa maanta ka billowday degmada Taleex ee gobolka Sool, shirweyne nabadeed oo lagu xalinayo colaad muddo lix sano ah ka jirtay deegaankaasi oo labo qabiil u dhexeysa. labada beelood oo wada dega gudaha magaalada Taleex iyo Baadiyaha ayaa colaadoodu sababtay in dadka kuwada nool magaaladaas aysan isu gudbin muddadaas colaaddu jirtay.
Dadaal ay sameeyeen dhallinyaro, degmada u dhalatay oo labada dhinac ka soo jeeda, odayaasha, iyo isimo labo bilood ku sugnaa deegaanka ayaa ku guuleystey in ay soo celiyaan isu socodka bushada halkaas ku nool, taasoo hadda looga gudbayo soo afjaridda colaadda
Sheekh Cabdishaafi Axmed Cali oo kamid ah ergooyinka halkaas gaaray ayaa Raadiyo Ergo uga warramay wada-hadallada billowday iyo rajada ay ka qabaan.
Waxaa isagana aan wareysanay Iimaan Cali Faarax oo kamid ah ganacsatada Taleex, oo ka warramayo isbeddelka laga dareemayo magaalada iyo sida uu ganacsigu yahay. Labaduba waxay u warrameen weriyaheena Buuhoodle Khadar Cowl Ismaaciil, waxaana ku hormarayo Sheekh Cabdishaafi.
