Goobaha waxbarashada ee gobolka Galgaduud ayaa ku dedaalaya helitaanka macallimiin gabdho ah, ayadoo xilligan aysan jirin hal gabar oo wax ka dhigta dugsiyada tirada badan ee ku yaalla degmooyinka gobolka.
Barnaamijkan ayaa waxaa iska kaashanaya xafiiska waxbarashada ee maamulka Ximan iyo Xeeb iyo bahada xarumaha waxbarashada kadib markii la arkay in gabdhuhu ay ku soo badanayanaa goobaha waxbarashada oo sanad kasta boqollaal gabdhood ay ka soo baxaan dugsiyada sare ayaa la isku raacay in la helo dumar barayaal ah.
Axmed Xuseen Khayre oo ah xoghayaha waxbarshada iyo dhallinyarada ee maamulka Ximan iyo Xeeb ayaa sheegay in 20 gabdhood ay ugu deeqeen waxbarsho jaamacadeed oo 2 sano ah kuwaasoo loo tababarayo macallinimo, wuxuu intaa ku daray in marki ay arkeen inay jirto baahi ah in la helo haween macallimin ah ay go’aankan qaateen, wuxuu sheegay in gabdhaha qaar ay iskuullada uga tagaan duruufo gaar ah oo soo wajaha marka ay waayaan dumar mcallimiin ah oo ay u sheegtaan.
Inta badan gabdhaha dhammeeya dugsiyada sare ma helaan fursado jamacadeed sida wiilasha oo kale waana midda keentay in aan la helin gabar macalimad ah, ayadoo bushada gobolka ay aad u soo dhaweeyeen arrintan.
Aniso Maxmauud waxay ka mid tahay gabdhaha helay waxbarshada jamacadda ee bilaashka ah, laba sano ka hor ayey dhamaysay dugsiga sare, mar ay la hadashay Radio Ergo ayey sheegtay inay aad ugu faraxsan tahay fursadan oo ay ku tilmaantay mid muhiim u ah nolasheeda maadaama aysan horay u helin jamaacadaha, magaalada Cadaadana aysan lahayn jaamacad, tallaabadan wax badan ay ka badali doontaa baahida gabadhaha dhigta iskuulada oo u baahan in lagu eego ila gaar ah lalana socdo xaaladooda.
Gabdhahan ayaa sanadkan ka mdi noqonaya qaar ka mid ah jaamacadaha magaalada Muqdishu si y u bilaabaan daruustooda, laba sano kadib markay soo dhammaystaan ayaa la filayaa inay ku biiraan macalimiinta wax ka dhiga xarumaha waxbarashada ee gobolka.
