Waa buug ay dhowaan daabacday Ikraan Yaasiin Nuur oo ku nool magaalada Hargeysa. Ikraan waa sadex iyo labaatan sano jir ku nool magaalada Hargeysa gaar ahaan xaafadda jigjiga-yar. Waxay qortay buug ay u bixisay dhaawacyada qarsoon ee dalkeenna.
Ikraan waxay kasoo qalin jabisay jaamacadda ku Hope Universty oo u taal magaalada Hargeysa qaybteeda computer seyniska, balse nasiib darro ma aan helin wax shaqo ah marka laga reebo inaay carruur la daris ah guryagooda ugu dhigto xilliga habeenkii ah hal xiso oo ah luqadda Ingiriiska, mushaar ahaanna u qaadato lacag dhan 50 dollar.
Waxay waxbarashadeed dugsiga hoose, Dhexe iyo midka sareba ku soo qaadata gobalka Togdheere ee magaalada Burco. Waxaa laga keenay gobolkaas iyadoo toddoba sano jir ah sanadku markuu ahaa 1997. Sannaddii 2012ka ayay jaamacadda ka qalin jebisay. Ikraan aabbaheed waxaa lagu dilay Xamar 1989 oo uu xilligaa macallin ka ahaa. Hooyadeed waxaa dumaalay adeerkeed oo kafaala-qaaday dhaqaaleeynta iyo waxbarashadeeda, balse muddo kadib tahriibay.
Gabadhan waxaa walaalo la ahaa laba gabdhood oo uu abaheed uu dhalay iyo wiil hooyadeed dhashay oo ka weyn, sidaa ayeyna ugu bilaabatay inaay wada noolaadan waxayna noqotay qofka ugu yar reerka. Ikraan waxaa waxbarashada ka kafaalaqaaday adeerkaeed ilaa iyo dugsiga Dhexe, hase ahaatee markii uu adeerkeed iska tahriibay ee uu waddanka ka tagay ayaa mid ka mid ah gabdhihii la dhashay oo Kanada ku nooleyd baa reerka biil u soo diri jirtay.
Mudo ka dib ikraan walaasheed wey guursatay waxayna yeelatay laba carruur ah, taasoo dhib ku noqotay ineys ii waddao biilkii reerka. Ikraan waxaa ku soo furmay mashaakilkii nolosha, waxayna Ikraan la tacaashay waxbarashadeedii jaamacadeed wayna ku mintidday ilaa ay ka dhameysatay. Markaas ka dib, waxay diyaarisay oo qortay buug ay u bixisay Dhaawacyada qarsoon ee dallkeena, waxuuna buuggu ka kooban afar cutub cuutub waxanana weydiiyay sababaha ay buugan u qortay
Ma fariisan Ikraan markii ay shaqo la`aanta qabsatay jaamacadiina dhameysay, waxayna raadisay sidii ay hore ugu sii wadan lahayd waxbarasho. Ikraan waxay heshay waxbarasho kale ee jaamacadeed oo lacag la`aan ah, gaar ahaan dhinaca sharciga.
Si kastaba ha ahaatee waddankan waxaa ku badan ardada waxbaratay balse fursadaha shaqo ayaa ah kuwa aad u kooban, waxaana ka mid ah erayada aan hoosta ka xarriiqi karo ee ku jira buugga Ikraan: Waa guul wixii niyadeyda ku jiray, heehabayay qalbigeyga haddeey gacmaheyga soo bandhigeen.
Waxay kaloo sheegtay Ikraan iney buuggan ku qortay muddo kooban oo ah laba bilood oo keliya, waxayna kaloo oo ay sheegtay iney hayso laba buug oo kale oo ka hadlaya arrimaha jacaylka, hase ahaatee ayan u hayn kharash ay ku daabacdo, hase ahaatee ay niyad u hayso iney mar uun daabici doonto.
Maryan Cabdi/MRS
