Maxamed Carab: Tani waxaan aamin sanahay in ay keeneen dadka ka yimid dibadda ee loo yaqaan Diaspora (Qurba-joog)
Xilligan Muqdisho waxay ka duwantahay sidii lagu yaqiin sanada ka hor oo astaan u ahayd colaadaha iyo dagaallada. Xilligan magaalada waa ay dhismaysaa waxa ayna ka soo bogsanaysaa boogihii colaadda waxaase dhanka kala jira dhibaatooyin si siman u saamaysay dadka deggan guryaha kiradaha waxaa jira qiimo koror guryaha ah waxaana xilligan dhismaha ka kooban 5 qol la kireeyaa lacag dhan 400 ilaa 500$ walibana ay sii dheertay lacag hormaris ah.
Maxamed Carab waa macalin waxa uu degganyahay guri kiro ah sanado ka hor waxa uu ku degganaa lacag dhan 50$ xilligaas, xilliganse xaalku sidaasi wuu ka duwan yahay “Wallaahi arrinta kirada waa mid aad qaali u ah waana mid saamayn xooggan ku leh dadka danyarta ah ee aan lahayn guryo.
Haddaba waxa keenaya arrintan ayaan weeydiinnay Maxamed wuxuuna ku jawaabay:
Tani waxa aan aamin sanahay in ay keeneemn dadka ka yimid dibadda ee loo yaqaan Diyaasbaraha.
Cabdikariim Laala waa ruux aanan haysan shaqo kaafisa, degganna kiro waxaana saamayn ku yeelatay qiima kororka ka jira magaalada wuxuuna radiyaha Ergo u sheegay xilliga ay soo bilaabatay arrintan”Arintan waxa ay soo bilaabatay dhamaadkii sanadkii 2011 dabayaaqadeedii waana mid mar qura la dareemay”ayuu yiri Cabdikariim Laala.
Maxamed Carab ayaa u sheegay Ergo in hadda kirada guriga looga dhigay lacag ku dhow 100$ uuna hormariyay afar bilood sida uu leeyahay “Waxaan ku degay sanada ka hor lacag jaban laakiin xilligan waxa ay gaartay heerkii ugu sarreeyay waana mid leh xanuun aan yarayn ” ayuu yiri Maxamed.
“Qiima kororka ma ahan degmooyinka oo dhan laakiin waa meela gaar sida degmooyinka xeebta ku teedsan sida Xama-weyne, Xamar Jajab, Waaberi, Wadajir iyo Hodon oo iyana ku dhaw Wadada Maka Almukarama” waxaa yiri Maxamed Carab.
Qaar ka mida dadka ayaa ii sheegay in ay kala duwan yihiin hannaanka kirada oo loo kala qaado Fillo nusboos iyo dabaq sidaasina ay tahay sida lagu kala qiimeeyo kiraynta waxaa sii dheer in ay adag tahay in qofka laga kireeyo halqol. Cabdirashiid waxa kaluu sheegay in ay adag tahay in qofka laga kireeyo hal qol, lana dalbayo in uu guriga guud ahaan kiraysto kadibna uu sii kiraysto haddii uu rabo.
Cabdirashiid Xayle waxa uu muddo dheer degganaa degmada Hodon waxaase hadda ku dhacay geeddi oo waxaa laga bixiyay gurigii uu degganaa dhaqaale “Aniga waxaan degganaa Hodon laakiin hadda waan ka guuray arrimahan jira awgeed waxaana degay Silligga Amerikaanka ee degmada Madiina.”ayuu yiri Xayle
Xayle lacagta uu ku shaqeeyo iyo midda uu kirada ku bixiyo maaha kuwo isu dheelli tiran sida uu u sheegay raadiyo Ergo “waxaan ku shaqeeyaa lacag dahn 150$ kiradana waa ay ka daba dhawdahay marka sidaasi waa midda keentay in aan iskaga guuro meeshii aan degganaa’ayuu yiri Xayle.
Amiin Yuusuf khasaaro waa qoraa` Soomaaliyeed oo ku nool magaalada Muqdisho waxa uu ishsha ku hayaa waxa socda wuxuuna u sheegay raadiyo Ergo waxa ka socda magaalada “Tani waa mid aan weli dhicin waxaana socda barakacin dadka dabaqadaha dhexe ah waxayna hadda degayaan goobaha barakacayaasha ay ku noolaayeen” Amiin ayaa sidaasi u yiri, wuxuuna Amiin intaas raacshay oo yiri” kuwaasi oo noloshooda ay ahayd mid dabaqadda dhexa tahay balse kirada ay badday sarkaca guryaha.”
Qoraaga ayaa hadalkiisa ku soo koobay oo yiri “Dowladda Soomaaliya waxaa looga baahanyahay in ay la timaaddo hannaan lagu xallinayo mashaakilkan waayo dadka u shaqeeyo dowladda Soomaaliya mushaarka ay qaataan iyo guryaha kiradaha waa mid kala fog.”
Cabdirashiid Xayle waxa uu hadda aaminsan yahay nabadda ka jirta in ay keentay in dad badan ay ku soo laabteen Muqdisho, taasina ay keentay iney hadda dad badan banaanka u saartay imaatinkoodaas.
Inta bdan dadkan ayaa ii sheegay qiima kororka iyo horomaris lacagaha ay sabab u yihiin dadka guryaha kireeyo oo loo yaqaan dullaaleyda sida uu qabo qoraha Amiin Yuusf khasaaro “Waxa socda waxaa gadaal kariixaya dadka guryaha kireeya waa dullaalka waxayna dadka bareen in ay lacago ay hormarinayaan.”
Cabdulqaadir Aadan waa dullaal caan ka ah degmooyinka ay dadku ka muujiyeen walaaca wuxuuna qabaa in ay iyaga ahaan dadka wax qaaliyeeyay laakiin ay yihiin dadka guryaha leh.
Yalaxow waa dullaal waxa uu ka dhex sahqeeyaa qofka kira raadiska ah iyo kiraystaha waxaana meeshaasi uu ka helaa lacag uu ka qaato laba dhinac kiraystaha iyo loo kireeyaha “Ma ahan anaga waxa qaaliyeeyay guryaha laakiin dadka ayaa xaq u leh guryahooda iyaga ayay ku xiran tahay sidaasi waxaa ku dooday Yalaxow”
Nin oday ah oo magaciise ka gaabsaday kana yimid dalka Swedan ayaa ii sheegay in uu damcay in uu gato guri booska kowaad ka ah waddada Maka Al mukara laakiin loog aaray lacag 1milyan $, taasi oo uu ku sheegay in guriga Swedan ee kan la midka ah uu joogo 100,000$ waxaase arrimahaan oo dhan looga baahan yahay in dowladda Soomaaliya ay la timaado jaangoyn si loo yareeyo saamaynta xun oo ay arrintan bulshada ku yeelanesa.
Cabdulqadir M/MRS
