Dadka naafadda ah ee ku nool magaalada Kismaayo ayaa ka cabanaya dhibaatooyin iyo xaalado adag oo xilligaan ku heysata gudaha magaalada, iyadoo dhibaatooyinka ugu daran ee dadkani curyaamiinta ah ee heysatada ay kamid yihiin daryeel la’aan dhanka adeegyada aasaasiga u ah nolasha.
Abuukar Maxamed Raage oo ah afhayeenka urur ay ku mideysan yihiin inka badan 400 oo ruux oo naafa ah oo ku nool magaalada Kismaayo wuxuuna Radio Ergo uga warramay dhibaatooyinka xilligani ay ka cabanayaan wuxuuna afhayeenku sheegay iney tira koob ku sameeyeen dhowaan ddka naafada ah ee ku nool kismaayo ayna tiradoodu noqoe ilaa 1200, dhamaantoodna ay ka siman yihiin duruufaha nololeed.
Qaar kamid ah dadkaas oo aan iyaguna kula kulmay xafiis ay ku leeyihiin nawaaxiga xarunta maamulka degmada Kismaayo ayaa sheegay inaysan haysan hoy, caafimaad, tacliin iyo agabka kale ee curyaamiintu isticmaalaan fududeeyana noloshooda.
Wariyaheenna Kismaayo Khadar ayaa sheegay in dadka naafadu yihiin kuwo ka takooran bulshada inteeda kale, marka aad dhex tagto waxaa dareemaysaa in aan cidna u maqnayn, ceelna qodnayn, balse waxay gargaar dhinac kasta ka sugaayaan walaalahooda wax ku dhaama. Naafada ayaa ka codsatay dawaladda, maamulka Kismaayo iyo hay’addaha gargaarka inay u fidiyeen taageero nololeed
Khadar/AM/MH
