Kalluumeysatada ka jilaabata xeebaha Kismaayo ayaa sheegaya inuu hoos u dhac ku yimid wax soo saarka kalluunka, iyadoo arrintaasi ay u sababeeyeen dabeylo xoogggan oo xliligaan ka jira xeebaha.
Arrintaan ayey sheegeen inay saamayn ku yeelatay dakhligii soo geli jirey ayna ku maarayn jireen noloshooda,, sidoo kale suuqa kalluunka lagu iibiyo ee Kismaayo ayaa laga dareemayaa hoos u dhacaas.
“Kalluun fiican hadda ma soo saarno, caqabado badan ayaana naga hor taagan wax soo saarkiisii, waxaa ka mid ah caqabadahaasi dabeylo nagu qasbay inaan doomihii xareyno” Ayuu yiri mid ka mid ah kalluumeysatadaas.
Arrimaha kale ee ay kalluumeysatada magaalada Kismaayo ay u aaneynayaan hoos u dhacaan ku yimid wax soo saarkoodii dhanka badda ayaa waxaa kamid ah cabsi ay sheegeen inaysan u gaari karin meelaha kalluumaysiga ku wanaagsan.
“Waxaa jira meelo kalluun fiican leh oo xeebaha Kismaayo ah, meelahaasi ma tagi karno waan ka cabsaneynaa, waxaa jooga dad noo diidaya inaan meelahaasi gaarno,” ayay hadalkooda ku koobeen”.
Khadar/MH/FM
