Dacwada weriyhii idaacadda Ergo Cabdicasiis Cabdinuur Ibrahim iyo Luul Cali Cusmaan oo ahayd gabadh sheegtay in la kufsaday oo uu wareysi ka qaaday Cabdicasiis Koronto iyo saddex ruux oo kale oo lagu soo eedeeyay inay lug ku lahaayeen Kiiskaas ayaa maanta la horkeenay maxkamadda gobolka Banaadir.
Cabdicasiis iyo eedaysanayaasha kale dhammaantood waxay ka jeebeysnaayeen gacmaha, waxaana dhammaantood hal mar ay ka soo wada muuqdeen goobta maxkamadda ee loogu talagalay.
Maxkamadaynda maanta waxaa sidoo kale goob ka ahaa saxafiyiin, xildhibaanno, siyaasiyiin, ehellada eedaysanayaasha iyo qeybaha kale ee bulshada ee iyagu danaynayay dhagaysiga dacwada.
Qareenkii u doodaday dhibbanayaasha xirnaa ayaa dhankooda loo diiday in maxkmadda ay horkeenaan marqaatiyaashooda, iyadoo sidoo kalena la diiday in la dhaariyo eedeysanayaasha.
Guddoomiye ku xigeenka maxkamadda gobolka Banaadir oo ah garsoorihii kiiskan dhegeysanayay ayaa ku dhawaaqay xukun xarig ah oo hal sano ah oo lagu riday weriye Cabdicasiis Cabdinuur Ibraahim iyo Luul Cali Cusmaan, halka saddexda eedeysane kalena la sii daayay oo uu ku jiray seyga gabadha sheegtay in la kufsaday, kadib markii sida garsoorku sheegeen lagu waayay wax caddeyn ah.
Maxkamadda ayaa sii deysay saddex ruux oo kale oo eedaysanayaal ahaa.
Yuusuf Keynaan/MG/FM
