Cabdifataax Kalgacal waa suxufi Soomaaliyeed oo ka hawlgala warbaahinta Goobjoog oo ku taalla magaalada caasimadda ah ee Muqdisho, waa nin indhoole ah, wuxuuna hawlaha saxaafadda ku guda jiray tan iyo 2000 xilligaas oo duruufo adag iyo halis naftiisa uu ku soo maray.
Cabdifataax oo wareysi gaar ah siiyay idaacadda Ergo ayaa sheegay in saxaafada ay hammigiisa ahayd oo uu jeclaa, wuxuuna qaaar ka tilmaamay caqabadihii uu la kulmay muddada uu ku dhex jiray warbaahinta ay ka mid ahayeen is rsasaaseynta iyo sida kediska ah dagaalladii ku qabsaday meelaha qaar hase ahaatee uu ka badbaaday.
Isagoo ka warramaya cabsida badan ee ka jirta Muqdishu iyo haddidaada u imaneysa weriyeyaasha ayaa wuxuu yiri “Qofka wariyaha ah ee ka shaqeeya magaalada Muqdisho dhibaatooyin badan ayuu qabaa haddii telefoon qof kaa soo waco oo uu ku dhaho hebeloow halkee joogtaa waxaad ugu jawaabaysaa maxaa kaa galay taasoo ay kugu kallifayso cabsida badan ee weriyuhu qabo ma jirto cid la aamini karo” ayuu hadalkiisa ku soo gabagabeeyay Cabdi fataax.
Ugu dambeyntii wuxuu Cabdifitaax Kalgacal sheegay in shaqadiisa uu u guto sida asxaabtiisa kale ee ay ka wada shaqeeyaan saxaafadda marka laga reebo dhibaatada uu ku qabo isticmaalka Adobeka codadka loo adeegsado, wuxuuna sheegay inuu la mid yahay dadka kale ee caadiga ah ee wax qora waayo buu yiri qalinka wax ma qoro ee waa maskaxda midda la shiilo ee wax dhalisa.
CC/MG/AM
