
“Maanta, wasiirka gaashaandhigga ee Kenya wuxuu ii xaqiijiyey in ciidamada difaaca Kenya ay sameynayaan wax kastoo suuragal ah si ay u yareeyaan saameynta hawlgalka mileteri ee socda uu ku yeelanayo dadka rayidka ah. Wasiirka wuxuu sidoo kale ii sheegey in ciidamada difaaca Kenya ay gacan ka geysanayaan hubinta in gargaarka bani’aadamnimadu gaaro dhammaan dadka u baahan.
Inkastoo hawl wadeennada bani’aadamnimadu ay mar kasta yihiin dhexdhexaad ayna gebi ahaanba ka madax bannaan yihiin geeddi socodyada mileteri iyo kuwa siyaasadeed, haddana waxaa ay ku tiirsan yihiin dhinacyada kala duwan si ay u gaaraan dadka u baahan gargaarka. Waan soo dhoweynayaa ballanqaadka Kenya waxaana aan mar kale ku celinayaa baaqeygii aan dhammaan dhinacyada ku lug leh colaadda ugu baaqayey in ay dadaal kasta ku bixiyaan sidii loo yareyn lahaa saameynta ay colaaddu ku leedahay dadka rayidka ah iyo in ay oggolaadaan in gargaarka bani’aadamnimada uu si buuxda u gaaro.
OCHA – Soomaaliya










