Wasaaradda dhallinyarada iyo cayaaraha ee maamulka koonfur-galbeed Soomaaliya ayaa sheegtay in iyada oo kaashaneysa hay’ado ka tirsan hay’ado ka tirsan Qaramada Midoobay sidii shaqo-abuur loogu sameyn lahaa dhallinyarada ku nool magaalada Baydhabo.
Wasaaradda ayaa tilmaantay in tani looga hortagayo khataraha laga dhaxli karo in dhallinyaradu ay shaqo la’aan ahaadaan.
Boqollaal ka tirsan dhallinyarada Baydhabo ayay shaqo-abuur u sameysay wasaaraddu, waxaana la siiyay tababarro iyo qalab ay ku shaqeystaan.
Leyla Cabdi Maxamed oo ka tirsan Raadiyo Ergo ayaa arrinta ka wareysatay agaasimaha wasaaradda dhallinyarada iyo cayaaraha ee maamulka koonfur galbeed Maxamed Cismaan. Isagoo joogo magaalada Baydhabo ayay qadka taleefanka ku wareystay, waxayna marka hore waydiisay cidda ka caawisay barnaamijka shaqo-abuurka iyo xilliga uu billowday.
