Koox haween ah oo isku tagay, ayaa ku guuleystay in olole socday muddo saddex bilood ah ay ku jaraan ilaa 3,000 oo geedka garanwaaga oo ay ka fuliyeen magaalada Xiingalool iyo deegaanno hoos-yimaado.
Haweenka ayaa ku sababeeyey ololahooda, mid yimid markii ay arkeen in garanwaagu uu caqabad ku yahay dhirtii deegaanka ka soo bixi laheyd ee ay xooluhu daaqi lahaayeen, islamarkaana uu xitaa wax u dhimay bilicda deegaanka.
Waxaa howsha ay haweenkan wadaan aan ka wareysanay Xaali Faarax Maxamuud, oo guddoomiye u ah haweenka ololahan sameeyey. Weriyaha Raadiyo Ergo ee gobolka Sanaag, Maxamed Saalax ayaa wareystay.
