Wasaaradda Xannaanada Xoolaha ee maamulka Koonfur-galbeed ayaa dhowaan magaalda Baydhabo ka hir gelisay labo xarumood oo kala ah qeyb sheybaar ah oo lagu baarayo xoolaha qalliinka ah ee dadka magaalada isticmaalaan iyo qeyb kawaan ah oo lagu qalo xoolaha baarista lagu soo sameeyay.
Bishaan Agoosto 18-keedii ayaa sheybaarka la howlgeliyay, wuxuuna wasiirka xannaanada xoolaha ee maamulka Maxanmed Cabdiraxiin Nuur sheegey in ku dhowaad saddex boqol oo neef  baaris la mariyay, kuwaas oo ahaa xoolo kawaanka la keenay ee qalliin ahaa.
Sababta Shaybaarkan iyo qeybta kaweenka cusub ee la hirgeliyay ayuu sheegey inay tahay in la ogaado ama la koontaroolo caafimaadka xoolaha la qalanayo. Weriyaha Raadiyo Ergo ee magaalada Baydhabo Muxiyadiin Xusni ayaa wasiirka ka waraystay arrintaas.
