Muqdisho: 200 oo carruur derbi jiif ah oo xanaano ka helo xarun ay hir geliyeen ciidanka Asluubta Soomaaliyeed

Ilmahan halkan lagu xanaanayno meelna ugama baxaan oo waxbarashadooda,jiifkooda, caafimaadkooda iyo labiskoodaba waxay ku leeyihiin xeradan. Waxaa maamula taliska ciidanka Asluubta Soomaaliyeed wuxuuna si gaar ah uga caawiyaa xaga caafimaadka oo saddex dhaqaatiir oo gaar ah oo talisku ugu talagalay ayaa ka howlgala halkan kuwaas oo daawayn iyo baaritaanba u sameeya carruurtan, daawooyinkana waxaa u iibiya isla taliska Asluubta sida ay Ergo u sheegtay Xaliimo Cabdulle oo ah agaasimaha xarunta xanaanada agoonta ee Dr Kadare.
Warbixintaan waxaa soo diray wariyaheenna Muqdisho Munasar Maxamed Cabdi, halkaan hoose ka dhegeyso