Dadka reer guuraaga ah ee ku nool tuulada Shimbiraaleey oo 70 km dhanka waqooyi-bari ka xigta magaalada Garoowe ee xarunta gobolka Nugaal ayaa ka cabanaya dad ay sheegeen inay ootaan dhul-daaqsimeedka oo caqabad ku ah xoolo dhaqatada.
Saleebaan Cumar Salaad oo ka tirsan dadka deegaanka Shimbiraaleey ayaa Raadiyaha Ergo u sheegay inay jiraan dad ka yimid magaalooyinka oo 5km oo walba ka ka samaysta xirmo gaar ahaan dhulka xoolohu daaqaan oo cowska leh oo keenta in la waayo meel ay xooluhu u daaq tagaan.
“ Dhul daaqsimeedki waa la ootay oo dad baa xirtay xooluhu malahan meel ay noo daaqaan waxaana arrintan sameeynaya niman ka yimid magaalooyinka oo doonaya inay ka dhigtaan ganacsi oo qaarkood ay iibsandaan cowska iyo dhirta ka soo baxda dhulka ay ooteen oo baaxadiisu ballaaran tahay ahna goobabaha xooluhu daaqa u raadsadaan.
Xirsi Cismaan Yuusuf oo ka mid ah odayaasha deegaanka ayaa sheegay in xirmaysiga dhulka ay khatar ku tahay nabdad kuwada noolaanshaha dadka, asagoo welwel ka muujiyey in arrintaan ay ka dhalato dhibaato dagaal, anaga waxaan ka so horjeednaa in u uyimaado isku dhac waayo dadka falkan samaynaya waa kuwa hubaysan, dadka reer guuraaga ah oo ka cararaya in dhibaato dhacdo ayaa ka walaacsan sida ay ka yeeli karan tallaabooyinkan lidiga ku ah nolashooda, ninka xoolo dhaqatada ah ee la oo tay meeshii geelu u daaqayey wax walba ayaa ka suurooba balse waxaan ku dedaalaynaa inaysan dhicin wax dhibaato ah.
Saleebaan Cumar ayaa ugu baaqay maamulka Puntland, Odayaasha, laamamaha aminiga iyo qaybaha bulshada inay arrintan wax ka qabtaan haddii kale waxay sababi kartaa tallaabooyin khaldan oo dhexmara reer guuraaga iyo dadka xirmaysanaya dhul daaqsimeedka.
Gudoomiye ku xigeenka gobolka Nugaal Cabdiraxmaan Ciise Maxmed ayaa Ergo u sheegay in dhawr jeer ooh ore ay burburiyeen dhul la ootay ayna siyaasad ka leeyhiin arrintan oo marnaba aysan raali ka hayn tallaabooyinka.
Xirmeysiga dhulka sharci darrada ah oo ayaa ku sii fidiya duuxada Nugaal oo haatan gaaray dhulka miyiga ee magaalooyinka ka fog dhawr jeer oo hore ayaa la sheegay inay ka dhasheen isku dhacayo dhexmaray reer guuraaga iyo dadka xirmaysanaya dhulka.
Cabdiraxmaan Maxamed Xaaji/FO
