Naafada ku nool magaalada Muqdishu ayaa ka cabanaya mid takoor ay sheegeen inay kala kulmaan xafiisyada dowladda iyo hay’adaha kala duwan ee dadka shaqalaysiista taasoo ay sheegay inay xadgub ku tahay xaqa ay leeyhiin.
Cabdullaahi Xuseen wuxuu ku naafoobay dagaalladii sokeeye ee ka dhacay dalka xilligi dowladdii dhexe wuxuu ahaa sarkaal ak tirsanaa wasaaraddii xanaanada xoolaha dhirta iyo daaqa, wuxuu Ergo u sheegay in 4 sano ka hor uu codsi gaystay wasaradii oo ka shaqayn jiray, oo uu xirfad u leeyahay arrimaha maaraynta deegaanka, balse aan la tixgelin oo maalin walba wasiirka imaada uu keen dadka uu asago doonayo wuxuuna sheegay in naafanimada uu kuwaayey shaqada.
Cabdullaahi wuxuu sheegay in marka ay xaqooda sheegtaan lagu dhaho dastuurka kuma qorna mana ku cadda barnaajika naafadu.
Cabdullaahi Xasan waa wiil curyaan ah oo dhawaan ka qalin jabiyey mid ka mid ah jamaacadaha Muqdishu mar uu la hadlay Raadiyaha Ergo ayuu yiri, waxaa dhacaday in mid ka mdi ah laamaha dawladda hoose ee magaalada Muqiddsho ay soo dhejisay shaqo kadibna aan qoranay barabwsal si aan uga qaybgalano barnaajimkan balsee markii aan xaruntii nimi ayaa waardiye noo so taagay lacago kun shilin ah taasoo micnaheedu yahay in aan nahay dad tuugsanaya laakiin aan shaqo doon ahayn, niyad jab ayeyna arrintaasi nagu keentay “
Wuxuu intaa ku daray inay shaqooyinka marka la soo dhejiya la yiraahdo dadka oo dhan baa u siman oo soo wada codsan kara laakiin marka runta loo tago way ka fanaan hay’adaha qaarkood inay shaqaalaysiiyaan ruux lixaadkiisu dhiman yahay,.
Cabdullaahi Salaad waa gudoomiyaha golaha naafada qaranka wuxuu Ergo u sheegay in shaqada oo kaliya aan lagu diidin dadka naafadaha balse wax walba lagu takooro sida siyaasadda, waxbarshada ka qaybgalka arrimaha bulshada iyo wixi la mid ah.
Waa in dowaladda ay sidan wax ka bedeshaa oo ay keentaa barnaamij siyaasadeed oo jaan go’an oo naafada ay uga qaybgali karaan hawalaha dalka iyo dibu dhiskiisaba.
Cabdiqaadir Maxamed Cabdulle
