Roobab mahiigaan ah oo ka da’yey in ka badan 10 saacadood deegaanka ku xeeran Baardheere ayaa keenay in toga dhex mara magaladda ee ku dara biyaha webiga uu ku fatahay saddex xaafadood oo ka tirsan Baardheere.
Cabdilaahi Maxamed Xuseen oo ka mid ah odayaasha Baardheere ayaa Ergo u sheegay in daadkaan oo kale ay ugu danbaysay xilligii Elnino dhacday ee 1997, wuxuuna u sababeeyey roobabkii da’ay oo fara badan, toga magalada dhex marra, xilligii dawladii Dhexe waa laga shaqayn jiray, oo cagaf ayaa la gelin jiray marka roobka soo dhow yahay si looga gaashaanto daad, haddase dadkii qashin ayey ku shubaan, geedka cali garoobka ayaa ka baxay, qaar dhismayaal ayey ka dhex dhisteen, sidaas ayaana keentay in toggu qaadi waayo biyaha soo maraya, uuna ku shubay saddex xaafadood oo magaladda ah kalana ah, xaafadda Buulo Kurmaan, Bulo Kulow iyo xafadda Marwa oo dhamaan ku yaal dhinaca bari ee Baardheere.
Cali Maxamuud Cali odayaasha deegaanka, ayaa Ergo u sheegay in ilaa 500 oo guri ayaa dadkii ka baxeen oo biyihu dhex jiifaan, dad gaaraya ilaa 2500 oo qoys ayaana guryahoodii ka barakacay, wuxuuna ku soo aaday fatahaadu xilli ay nolosha dadka Baardheere ku nool ay ku adagtahay noloshu, ma jiraan wax gargaar ah oo yimaadda degmadda, wuxuuna codsaday in cid kastoo awooda ay wax u qabato sidii dib dhis loogu samayn lahaa musqulaha oo badi ku dumay roobkii xalay da’ay.
Xabiibo Muxumad Ciise waa haweenay hooyo ah oo 50 jir, waxay haysata lix carruur ah, waxaa dumiyey roobkii gurigeeda, iyadoo weriyaha Ergo ee Baardhere la hadlaysa ayey sheegtay “waxaa iga dumay gurigii, musqushii, waxaanan carruurtii ula cararay qoys aan nahay.”
Weriyaha Ergo ee Baardheere oo ka mid ah dadka daadku saameyey ayaa sheegay in musqulihii ay ka dumeen gurigiisiina ay biyo dhex ceegaagaan, reerkiisiina hadda ay dulsaar ku yihiin qoys qaraabo ah.
oqolaal qoys ayaa jira oo iyagu aan cidna ku barakicin degeyso dhul cidla ah oo taag ah lana yiraahdo Sarinley oo 4km ka xigta Baardheere dhinaca waqooyi, oo ay h adda ku haystaan dhibaatooyin ay ugu horayso hoy la’aani.
Axmed Cumar Saalixi
