Qaar ka mid ah maxaabiista ku jira xabsiga dhexe ee magaalada Boosaaso kuna eedeysan danbiyada fudud ayaa loo bilaabay waxbarasho bilaasha ah oo ay ku baranayaan farasamada gacanta.
Taliyaha Xabsiga Shire Maxamed Jaamac oo la hadlay Raadiyaha Ergo ayaa sheegay in 100 ka mid ah maxaabiista ku eedeysan dabiyada yar yar iyo kuwa dhaqan celinta ah oo 3 ka mid ah dumar yihiin loogu talagalay barnaamijkan, kuwaas oo la barayo habka tacabshada beerah, dhismamaha, harqaanka iyo samaynta qalabka guraha.
Wuxuu intaa ku daray in barnaamijkan oo soconaya 4 bilood 40 ka mid ah labarayo beeraha, 20 harqaanka, 20 dhismaha guryaha iyo 20 labarayo samaynta qalabaka loo isticmaalo guraha iyo xafiisyada, arrintan ayaa waxaa looga gol-leeyahay in looga hortaga sidii dadkaan markay ka baxaan xabsiga aysan u galin danbiyo balse ay sii wataan nolashooda caadiga ah kana mid noqodaan bulshada ayuu yiri taliye Shire.
Cabduqaadir Maxamuud, waa 25 jir, wuxuu xabsiga ku jiraa muddo 5 sano ah, dhaqan xumo ayaana qoyskiisa u soo xireen, kadib markuu dhigtay isbaaro uu dadka ku dhaco, maxakamadu shan sano iyo bilo ayey ku xukuntay, wuuna dhamaystay hadda, wuxuuna hadda bartaa samaynta qalabka gurayaha sida sariiraha iyo kuraasta, asago la hadlay Ergo wuxuu sheegay in uu aad ugu faraxsan yahay xirfadan uu barnayo,” 5 sano ka hor waxba ma aqoon marka laga reebo sida loo isticmaalo qoriga iyo in wax la dillo, balse maanta waxaa is badalay noolashayda oo waxbaan aqaan aan ku shaqaysto.
Gareen Maxamed Geedi waa hooyo leh 5 carruur ah, waxaa lagu eedeeyey inay dhacday dahab, 2 sano iyo saddex bilood ayaa lagu xukumay waxayna ka mid tahay haweenka ku jira xabsiga, mar ay la hadashay Ergo ayey tiri. ” laba sano baan ku jiraa xabsiga, saddex bilood ayaa ii dhiman, harqaan ayaan bartaa aad baan ugu faraxsanahay, waayo kuma fikirin anigoo xabsi ku jira in aan waxbara karo ayey tiri.”
Taliya Shire ayaa sheegay in dhaqaalaha ku baxaya barnaajikan ay bixisay hay’adda ICRC, waana markii labaad oo waxbarasho bilaash ah ay helaan maxaabiista xabsiga magaalada Boosaaso ayadoo markii hore ay bixisay hay’ad kale tababarkaan.
Khadro
