Roobab xoog leh oo ka da’ayey Muqdisho ayaa saameeyey dadka barakacayaasha ah ee aan haysan iyagu guryo iska celin kara dhibicda roobka, waxaana ku dumay 20 guri oo ay lahaayeen qoysas barakacayaal ah oo ku sugan xerada Daraawiishta.
Maano Xuseen oo ah hooyo lix carruur ah haysata oo ka mid ah dadka guryahoodii uu ka dumiyey roobku “Ilmo 10 maalmood jira ayaan haysta, roobkuna gurigii ayuu naga dumiyey, ilaa xalay roobk ayaan dhex taagnaa annigoo haysta ilmahayga.”
Faadumo Aadan waa 70 jir waxay haysaa laba carruur ah oo ay ayeeyo u tahay, wuxuuna roobkii ka dumiyey cooshadii ay ku noolayd, waxayna Ergo u sheegtay in dad u soo gurmaday si ay uga bixiyaan gurigeeda oo ka dumay, habeen ayey ahayd, qaylo ayaan afka furtay si aan gurmad u helo ayey tiri, Faadumo ayaa intaas ku dartay in labada carruur ah ee ay ayeeyada u tahay oo ah laba gabdhood oo midi 8 jir tahay midna 12 jir ay qashinka ka guraan dadka, alaabtana u soo dhaqaan sidaasna ay ku hesho nolosheeda.
Madina Cabdi oo iyana ka mid ahayd dadkii roobka ka dumiyey cooshadaha ayaa Ergo u sheegtay inay banaan fadhiyaan, welina roobkii da’ayo, biyihiinna waxay dhex jiifaan cooshadihii, taasna waxaa uga sii daran saxadda ama nadaafadda oo aad u xumaata xiyada roobka.
Roobabka ayaa aad wakhtigaan uga da’aya Muqdisho dadka barakacayaasha ah ayaana ku jira guryo ka samaysan baco iyo kartoomo duugoobay oo ay ku adagtahay inay ka dugsadaan roobka.
Xamdi
