Cabdilaahi Maxamed Ducaale waa wiil naafo ahoo 25 sano jira ah dhawaan ayuu ka qalin jabaiyey jaamacadda Alpha ee magaalada Hargeysa, Sanaddii 1998-kii ayaa isaga oo jooga miyiga deegaanka Caynabo da’diisuna ahayd sagaal sano jir waxa ku qaraxday miino uu helay oo uu gargaacay, taas soo gaarsiisay dhaawacyo kala duwan oo ay ugu darnaayeen labada gacmood oo goysay, waxaana gacanta midig go’day illaa suxulka halka gacanta bidix ay shantii farood iyo inta badan calaacasha go’an tahay, dhibaatada soo gaartay ma han mid ku keentay niyad jab oo nolosha naafo-nimada wuxuu noqday mid ku adkaysta.sandkii xigay marki uu dhaawaca ka bogsooday ayuu bilaabay waxbarashada dugsiga hoose dhexe.
“Anigu kuma mashquulin curyaanimada i soo gaartay laakiin waxaan ku dedaalay in aan nolsha hormar ka gaaro aan waxbarato waxaan magaalada Caynaba ka bilaabay dugsiga hoose dhexe ilaa sare, anoo ku dedaalaya in aan wax qoro oo u muhiim ah waxbarashada waa udub dhigga koobaad ee aasaaska aqoonta qoraalku, kadib sanadkii 2011 ayaan u soo wareegay magaalada Hargeysa si aan uga billaabo jamaacadda” sidaa waxaa Ergo u sheegay Ducaale.
Wuxuu intaa ku daray in dhanka qoraalka iyo yeerisa iskuulka uu ka gali jiray kaalmaha kobaad taasoo uu sheegay inay ahayd guusha safarakiisa waxbarasho iyo noolaleedba.
Cabdullaahi Maxamed Ducaale ayaa sheegay in Jaamacadda Alpha uu ka codsaday deeq waxbarasho, maalintii u horreeysey ee aan Jaamacadda tagay way ila yaabeen maamulka oo u qaadan waayeen in qof sidiisa gacmo la’ jaamacad wax ka baran karo. Arrintan ayaa mamaamulkii jaamacadda ku noqday fajiciso iyo filan waa waayo ma jirin arday hore oo noocaan oo kale oo waxbarasho ka soo raadsaday macquulnna way u noqon wayday markii hor,” Ayuu yiri.
Cabdirasaaq Xaaji Xuseen waa gudoomiye ku xigeenka Jaamacadda markii hore waan rumaysan waynay in wiilkan uu waxbaran karo waayo waxaan aaminsanayn in qof labada gacmood go’an uu wax qori karin, maamulka Jaamacadda ayaa dib isugu nqoday waxaana la go’aamiyey in la siiyo deeqda waxbarasho, Ducaale waan u yeeray waxaana laga qaaday imitixaan wuuna ku baasay sidaa ayuu ku bilaabay Jaamacaadda oo muddo 3 sano ah ka baranyey kuliyadda xisaabtaadka iyo maaraynta.
Cabdirasaaq Xaaji Xuseen ayaa intaa ku daray in Ducaale markii hore ay ku sheegeen in jaamacaddu u diyaarsanayn dadka noocaan ah inay waxbarato laakiin markii uu la soo baxay shahaada dugsiga sare ay macquul la noqotay in ay qaabilaan.
Cabdullaahi Maxamed Ducaale ayaa ku guulaystay abaal marin kadib markii uu ka qaybgalay tartartan loo qabtay ardeyda jamacadda oo ahaa far qurxinta, hadda waxaan isu arkaa inaan ahay qof heer wanaagsan ka gaaray tacliinta oo arrimaha bulshada ka qaybgali kara waxna tari kara, gaar ahaan kuwa naafada ah ee niyada jabka ku nool, maahi xaas leh ee hadda wixii ka danbeeya ayaa qorshaynayaa inaan reer yegleelo.
Cabdullaahi ayaa sheegay in shaqo la ga siinayo xafiiska wasaaradda arrimaha gudaha ee maamulka Soomaaliland taasoo horay uu u ballan qaaday wasiirka wasaaraddaas Cali Maxamed Warar-caadde kadib markii uu ka qaybgalay xafladdii qalinjabintiisa.
Haraadiga hubka iyo waxyaabaha qaraxa ayaa boqolaal carruur ah u geysta dhibaatoon kala duwan sida dhimasho iyo inay ku waayaan xubno muhiim oo jirkooda ah.
Cumar Seerbiya/FO
