Dhaqaatiirta caafimaadka iyo xoolo dhaqatada ku dhaqan degmada Luuq ee gobolka Gedo ayaa ka cabanaya cudurro aan la aqoon oo ay xoolaha ay ugu dhimanayaan deegaanka. Ilaa 190 neef oo ari ah ayaa cudurkaan ugu dhintay degmada Luuq iyo qaar ka mid ah tuulooyinka hoos yimaada toddobaadkii lasoo dhaafay.
Maxamed Muxumed oo ka mid ah xoolo-dhaqatada deegaanka Gol-weyn oo ka tirsan degmada Luuq ayaa Ergo u sheegay in xoolaha ugu badan ay ugu dhinteen cudurradaasi tuulooyinka Qoondhood, Yurkud, Gubbo, Funuje, Golweyn iyo Geedweyne, wuxuu intaa raaciyay in xoolo dhaqatadu in aysan helin dawooyin ay u isticmaalaan cudurkan.
Cabdi Bees oo ka mid ah dhaakhaatiirta cudurrada xoolaha ee ku sugan Gedo, una shaqeeya hay’adda VSF ayaa Ergo u sheegay in aysan weli aqoonsan nooc cudurka ay xoolo u dhimanayaan, balse ay qabaan tuhun ah in uu yahay cudurka sambabka oo ku badan ariga.
Bees wuxuu intaa ku daray in dhawaanahanba ay helayeen warbixinno la xariira xoolo u dhimanaya cudurrada aan la aqoonsan oo ka imaanaya Luuq,Garbahaarrey iyo Doolow. dhakhtarku wuxuu intaa ku daray in ay wadaan baaritaanno la xariira nooca cudurka.
Saalixi
