Cudurka jadeecada oo hadda uga jira waddanka si baahsan ayaa dadku dhaqan ahaan ay ka aminsan yihiin inaan la daaweyn, lagana fogeeyo goobaha caafimaadka, dadka ku nool miyiga iyo tuulooyin ka tirsan demada Cadaado ayaase hadda sheegaya inay arrintaasi is beddeshay
Dahabo Axmed Carab, ilmaha sar bay u goglaan, biyana way ku dhex ridaan, markaas ayaa ay kasoo yaacdaa korka ilmaha.
Calaamadaha dhaqan ahaan aan ku garanno waxaa ka mid ah afkaa guduudta, indhahaa taagtaagma, isagoo dhan jilifbuu noqdaa, hadda waxaad mooddaa in dadku ay is beddelayaan oo ay raadsanayaaan tallaalka iyo daaweynta.
Anigu waxaan jeclaah lahaa inaan ogaado hab dhaqanka aan isticmaalno oo ah inaan la siin subagga, hilibka iyo caanaha adhiga, sidoo kale geedo ayaan ku huurinnaa siiba geedka Yamaarugga la yiraahdo, cuntadda keliya ee aan siinaa waa caanaha geella, marka sidaani inay sax tahay iyo in kale ayaan jeclaan lahayn inaan ogaanno.
Cali Cabdille Rooble oo isna ah aabe ku sugan Cadaado ayaa Ergo u sheegay in jadeecadda ay soo maraysay intuu isagu garanayo iyo in ka horaysayba, ayna dadku ka yaqaannaan cudurkaan kuwa kale, caado ahaanna marka ilmaha jadeeco ay ku dhacdo neef adhi cad ah ayaa loo qalaa, kadibna maqaarkiisa ayaa la huwiyaa.
Waaliddiinta ayaa ku taliyey in waqtigaan deegaannada Cadaado ku dhow uu cudurku hadda si ba’an uga jiro, welina dadkii ay isticmaalayaan habkii hore taasoo ah khatar soo food saaraysa ilmaha jirran oo khatar u gelaya inuu indho beelo ama dhintaba.
Salaado Cali oo markaas ku sugnayd isbitaalka Cadaado oo haysatay ilmo qabay jadeeco kana timid deegaanka Godinlabe ayaa Ergo u sheegtay in rugta caafimaad ay soo raadsatay, annaga xoolo dhaqato ayaan nahay, intaanan gaarin goob caafimaad ayaa ilmihii jadeecada ama u dhiman ama ka kacayaa, ayse waqtigaan door bidaan inay ilmaha jadeecadu ku dhacdo geeyaan goobta caafimaad ee ugu dhow sidaasna ay u timid halkaan.
Diirshe/MH
Diirshe/MH
