Warbixin ay soo saartay waaxda haqab-beelka cunnada iyo nafaqada ee hayàdda cunnada iyo beeraha u qaabilsan QM FAO, ayay ku sheegtay in iyadoo xaaladda haqab-beelka cunnada Soomaaliya ay kasoo reyneysay intii lagu gud ajiray sanadkii 2011-kii, macluushu ay saameysay in ka badan 4 million oo qof, ama in ka badan kala bar bulshada Soomaaliyeed, taasoo keentay dhimashada tobnaan kun oo qof.
FSNAU iyo daladda ka sii digista macluusha FEWS NET ayaa ku qiyaasaya in 2.12 million oo qof ay wajahayaan cunno yaraan inta lagu guda jiro August illaa December sanadkan 2012-ka.
Roobabkii Deyrta ee sanadkan ayaa beeralleydu ay awoodeen inay beerahooda tabcadaan ayna xoogaa nacfi ka helaan, sidoo kale caanaha ayaa iyaguna heliddooda ay sahlanaatay, iyadoo sidoo kale qiimaha xoolaha ay sare uga kaceen inta badan deegaannada miyiga ee Soomaaliya.
FSNAU ayaa sheegtay in gargaarka bani`aadannimo ee nolol-badbaadinta uu weli lagama maarmnaan yahay, si dadka ay cunno yaraantu heyso looga caawiyo inay cunno ku filan helaan.
FSNAU
