(ERGO) – Kadib markii ay ka soo noqotay Yurub sanadkii, 2008, Khadiija Maxamuud Maxamed waxay go’aansatay in furto xarun lagu dhaqaaleeyo carruurta agoonta ah ee ku nool gobollada Benaadir iyo Shabeelada Hoose.
Maaddaama ay ku soo koritay dhex kor qoys sabool, Khadiija waxaa ay dareemaysay dhibbaatada ay wajahayaan carruurta agoonta ah.
Sanadkii 2008, ayay Khadiija ka dhistay labo qol oo jiingad ah xero lagu magacaabo Qulqul oo ku talla duleedka Magaalada Muqdisho. Qololkaas ayay ugu talagashay in ay ku xannanayso carruurta agoonta.
Abaabulka and maamulka xaruntan aniga ayaa gacanta ku haayo. Marki hore dhulka aan ka dhisannay qololka ma uusan ahayn kaanaga. Nin deegaanka ah ayaan ka codsanay in aan u degno,” ayay tiri Khadiijo.
Waxay Raadiyow Ergo u sheegtay in caqabadihii ka hor yimid ay ka mid ahaayeen in loo arkayay qof dano gaar ah ka leh howshan.
“Waxa igu kalifay marka inaan u istaago agoon iyo howshaas agoon ayaan soo ahaa anaa agoonimo soo maray waxa aan dareemaayay waxa ay tahay agoonimo, ilmaha nooc kasto ay yihiin waxa ay lasoo kala baxaan dareen badan iyo canug dareenkiisa iska yar yahay. Marka aniga qof aad u dareen badan ayaan ahaa waxaan dareemi jiray aadna ii xanuunjin jirtay hooyadey sacrifice ayay aheyd wax badan ayay dadaaleesay waxaan ku fakari jiray hooyadaa saa u caawintaa ayaan kufakari jiray,” ayay tiri Khadiijo.
Kow iyo toban sano kadib, xarunta hadda way balaadhatay oo waxaa ay yeelatay dugsi Quraan, labo hoy oo ay carruurta, Iskuul iyo xarun caafimaad.
Xaruntan waxaa ay ku tiirsan tahay dhaqaalo ay iska soo ururiyaan dad ku kala nool dalalka Britain,Canada, Mareekanka,wadamada Carabta.
Agoonta hadda joogta umul quraa waa 170 carruur oo kula yimid nidaam iyo soo xulasho. lasoo xulay si bilaash ah ayay ku dhigtaan, ku hoydaan cuntadana ay ku helaan.
Khadiijo ayaa sheegtay inay furtay xarun ay dhigtaan ardayday aan agoonta ahayn oo lacag oo halki cunug laga qaado boqol doollar, Dhaqaalahaas ayaa lagu kabaa xarunta agoonta ee Umul-quraa.
Waxaa ka mid ah carruurta xaruntan ka aflahay Cali Ibraahim Amiin oo Umul quraa ku soo biiray sanadkii 2011-kii xilligaa. Sanad kadib markii xarunta la keenay, Cali wuxuu ka mid noqday ardaydii lagu bilaabay iskuulka Umul Quraa. Waxaa uu isku waday barashada Quraanka iyo maadiga. Labo sano kadib markii la keenay ayuu dhameeyay Cali Quraanka.
Guud ahaan tirada caruurta ka baxay dugsiga ee xafiday Quraanka waa boqol iyo labaatan caruur ah oo kadib u gudbay heerka iskuulka sedddex iyo labaatan kale oo iyagu dhameestay iskuulka sare sanadkaan.
Caruurtii ugu horeesay ee ka aflaxay iskuulka sare oo ay u qaateen macalinimo ayaa waxaa ka mid noqday Cali.
“Inta aan joogay Umu-Quraa waxaan ka bartay waxyaabo kala duwan oo aan ahayn Quraanka iyo iskuulka, waxaana ka mid aha barashada, tababarka gar gaarka deg dega ah sidoo kale waxaa ka mid ah cilmiga computer-ka taas oo aan manta ahay qof yaqaanna isticmaalka computer-ka,” ayuu yiri Cali.
