Xilli kasta marka ay webiyadu fatahahaan, khasaaraha ugu badan waxaa uu gaaraa beeraleyda Soomaaliyeed, iyadoo dalagyada ay beeraha ku beertaan ay fatahaaddu ku baaba’do.
Badanaa waxaa fatahaadaha keeno webiyada oo buux-dhaafa ama marka lagu jira xilli roobaadka oo ay biyo badan yimaadaan. Hadda oo lagu xilliga deyrta oo beeraley badan ay wax abuurteen ayaa waxaa soo baxayey dhawaanahanba digniinno kala duwan oo ku aaddan suurtagalnimo fatahaado dhaca.
Cabdikariin Xasan Maxamed, waa aqoonyahan dhinaca beeraha oo kala shaqeeya beeraleyda gobolka Shabeellaha hoose qorshayaal la talin ah oo ay kaga hortagi karaan fatahaadaha iyo tallaabooyinka looo baahan yahay in ay sameeyaan.
Weriyaheena Maxamed Cabdi Afgooye oo arrimahan ka wareystay, ayaa marka hore weydiiyey waxyaabaha beeraleyda ka hortaagan in ay xilli munaasab ah ka hortagaan fatahaadda webiyada.
