Golaha Deegaanka ee magalada Garissa, ee gobolka waqooyi-bari Kenya ayaa toddobaadkan meel-mariyey dhismaha xarun gaar ah oo dadka ay soo wici karaan si ay u soo gudbiyaan tacaddiya ka dhanka ah dumarka oo uu kufsigu kamid yahay.
Sameynta xaruntan, ayaa looga gol-leeyahay in wax ka qabashada xadgudubyada dumarka loo geysto oo la sheegayo in ay ku badan yihiin Garissa.
Haddaba dhismaha xarunta, iyo qorshe kale oo golaha deegaanka ee Garissa uu wado oo ku aaddan in lagu suuliyo xeer-jajab dhaqameed ay qoysasku ka heshiiyaan marka gabar la kufsado ama lagu xadgudbo, ayaa waxaan ka wareysanay Faadumo Cabdi Sanweyne oo kamid ah golaha deegaanka ah Garissa, ahna guddoomiyaha golaha ee arrimaha bulshada, dhaqanka iyo jinsiga. Maxamed Xaashi oo ka tirsan Ergo ayaa wareystay.
