Kalluumaysatada xeebaha Puntland ee bishii hore ka qayb-galay madashii arrimaha kalluumaysiga ee ka dhacday Garowe, waxay muujiyeen afar caqabadood oo waa weyn oo uu la dhaqaaqi la’yahay ganacsiga iyo fursadaha dhinaca Badda ee xeebaha Soomaaliya, sida uu sheegayo Jamac Maxamuud Cali Gudoomiyaha shirkadda kalluumaysiga ee CAFCO oo 29 sano ee u dambeeyay ka hawl-gelaysay Eyl, Bender-bayal iyo Boosaso
“Caqabada u weyn na haysata, lama aqoonsana warqadaha shatiga ah ee wax aan ku dhoofin karno, Puntland oo dhan. Taas oo aan la xalinna hadee nin aan badeecadiisa lagu kalsoonayn hadee ganacsigiisu ma hor marayo. Warqada caafimaadka horta warqadaas ma hayno. Caqabada labbaad oo na haysata suuq xor ah oo aan horta anaga aan u fasaxanahay oo aan toos wax u iibgeyno ma haysano, caqabada kale, badi kalluumaysatada xirfadooda aad bay u yartahay. Tusaale ninka Yemaniga ah ee halkan yimaada waxa uu soo saari karo iyo saacadaha uu shaqayn karo iyo inaga dhalinteena waa kala fog yihiin,” ayuu yiri
