Safiirka Soomaaliya u fadhiya Kenya Absidroor Maxamed Cali Nuur Americo ayaa sheegay in quud daraynayaan sidii ay dib ugu celin lahaayeen 122 dhalinyaro Soomaaliyeed ah oo falal burcad badeednimo ku eedaysan kuna xiran magaladda Mombasa.
Safiirka oo u waramayey Ergo ayaa sheegay in Eidii la soo dhaafay ee xajka uu booqday maxaabiistaas oo badankooda la xukumay, laguna xukumay inta u dhaxaysa 5 sano ilaa 20 sanno, maxaabiistaan ayaa markii la xukumayey dawladda Kenya u qabatay qareen difaaca, inkastoo ay racfaan ka qaateen xukunkii lagu riday.
Maxaabiistaan ayuu sheegay inay qaar ka mid ah qabaan dhaawacyo gaaray markii la soo qabanayey, mid ka mid ah lugta ayaa ka go’an, kuwo kalena xabado ayaa jidhkooda ku jira, halka kuwo kalena qabaan xanuunadda sonkorta iyo dhiig karka, arrimahaan oo dhanna yihiin kuwa ku riixaya safaradda inay dawladda Kenya la galaan heshiis dadkaan lagu celinayo wadankoodii.
Safiirka oo ka waramayey arrimaha is afgarad ee saddex geesoodka ahaa, kana hadlayey dibu celinta qaxootiga, una dhexeeyey UNHCR, Soomaaliya iyo Kenya ee la sexiixay sanadkii hore bishaan oo kale hadda meel fiican marayso, isagoona intaas ku daray inuu rajadda ah heshiiskaan inuu hadda meel fican marayo, iyadoona dawladdu hadda dhul badan gacanta ku dhigayso, goobahaasna la doonayo in ay ka mid noqdaan meelaha lagu celinayo dadka, ayna dawladda Soomaaliyeed hay’addaha gargaarku ka wada shaqaynayaan sidii loo horumarin lahaa goobahaas.
Safiirka ayaa intaas kud aray inay jiraan kumaan qof oo iskood ugu noqday wadankii ayna u fududeeyeen warqadihii ay ku safri lahaayeen, ayna jiraan dadkale oo iyana isu diwaan geliyey in laga caawiyo siday dib ugu noqon lahaayeen.
MH
