Basiiro Cabdi Maxamed waa 20 sano jira indhoole ah kana baxday dugsiga sare, waxayna ku fikiraysaa in waxbarashada iyo nolasha ay ka gaarto heer sare waxa kaloo maanka ku haysaa ama ay billowday u ololalaynta dadka naafadaha oo ay doonayso inay u samayso wacyi galin, Basiira oo ku nool magaalada Muqdisho oo u warrantay weriyaha Radiya Ergo Xabdi Cadullaahi oo ugu horreyn waydiiday magaceeda.
Magacaygu waa Basiira Cabdi Maxamed
Ergo: Imisa jir ayaa tahay?
Basiira: 20 sano.
Ergo:xageed ku dhalatay?
Basiira: Muqdishu.
Ergo: Goormeed indho beeshay?
Basiira: Aniga oo 10 sano jira ah.
Ergo: Maxaa sabab u ahaa in dho beelka?
Basiira: Waxaa gaar ah iguma dhicin laakiin aragga ayaa marba marka ka danbaysa soo dacifayee ilaa aan wax arki waayey.
Ergo: Waalidkaa ma ku geeyeen dhaqtar?
Basiira: Haa laakiin waxba way ka qaban waayeen.
Ergo: Wakhtigaas wax ma baranaysay?
Basiira: Haa dugsi iyo iskuul ayaan dhiganaayey oo qur’aanka waan xifdyey dugsiga hoose dhexe iyo sare waan dhammeeyey inkasto aan dhib ka soo baray.
Ergo: Maxay ahayd dhibaatada aad ka soo martay?
Basiira: Waxbarashad a Soomaaliya waagii hore uma diyaarsanayn, waxaanku qasbanaa in aan xifdiyo dhammaan xiisdaha ay bixiyanamacalimiinta maalin kasta, waayo wax ma qori karo, inkastoo sanadhi ugu danbeey dugsiga sare aan helay qalabka indhoolayaasha oo lagu qor farta u gaarka ah.
Ergo: Imtixaanka ka warran?
Basiira: Aad ayaan ugu fiicnaa oo Sedex sano dugsiyeed oo isku xiga ayaan galay kaalmaha hore.
Ergo: Maxaad samayn jirtay?
Basiira: Waxaan soo kici jiray habeenkii aniga oo miskaxdayda ka radaadinaya casharadii, inkastoo markii danbe aan helay qalabka indhoolayshaa oo farta ayaa ku raadin jiray qoraalka iyo casharada aniga oo qiyaasaya, Balse ka hor intaan helin qalabka wixii shaki iga galo aradayda ila fadhiya fasalka ayaan waydiin jiray si ayigu saxaan, mararna waxaan samayn jiray in aan ardeyd ku iraahdo aan iswaydiino su’aalo la xirriira casharada anoo ka faa’idaysanaya.
Ergo: Adoo bilaa buug iyo qalin ah miyaad tagi jirtya iskuulka?
Basiira: Haa maxaa yeelay miskaxdeyda ayaa buug iyo qalin ii ah waayo muxuu ii soo kordhinayaa buugga culeys mooyee saa wax kuma qori karo.
Ergo: Yaa iskuulka ku geeyn jiray?
Basiira: Walaalahay iyo saaxibadey inkasto iskuulka sare uu la haa gaari lagu qaado ardayda.
Ergo: Waalidkaa ma nool yihiin?
Basiira: Haa oo ilaa 10 carruur ah ayaa ila dhalatay.
Ergo: Walaalala ma ku caawiyaan.
Basiira: Haa inkasto hawlaha ii gaarka ah ee guriga dhexdiisa aan ku filnahay laakiin banaanka iyo magaalada way iga caawiyaan.
Ergo: Ma guursatay?
Basiira: Maya.
Ergo: Heer intee leg baad rabtaa in aad ka gaarto waxbarashada?
Basiira: Ilaa heerka ugu sareeya ee PHD-ga loo yaqaan.
Ergo: Mustaqalbka bal ka warran maxaad rabtaa in aad noqoto?
Basiira:Waxaan rabaa in aan ka shaqeeyo caawinta dadka naafda ah gaar ahaan haweenka waayo dhibka uu qabo qofka naafadaha waxaa dareemi kara qofka kale ee nafaadaha laakiin dadka kale ma fahmi karaan iyo in aan ka qaybqaato hormarinta arrimaha bulshada.
Ergo: Hadda xafiis baad fadhidaa maxaad ku qabataa?
Basiira: Waxaan ugu shaqeeyaa dadka nafaadaha gaar ahaan haweenka sida xaaladoodda caafimaad, waxbarashada, iyo dhiiri galinta kuwa niyadda jabku ku keentay naafanimada, in aan sameeyo wacyi galin ku saabsan in gabadhaha naafada ah inay.
Ergo: Xafiskaan ayaa idin ku caawiyey.
Basiira: Waxaa nagu caawiyey haweenka qaranka.
Ergo: Waxaa wataa taleefoon sidee ku ogataa qofka ku soo wacay?
Basiira: Qofka i soo wac waan ka qabtaa kadib markaan la hadlo ayaan kartaa laakiin dirsahada aniga ayaa ku filan waayo dhammaan lambarada dadka waan waan xifidsanay waana diri karaa.
Xamdi Cabdullaahi/FO
