Deegaanka God aalo ee gobolka Sool ayaa markii ugu horreysay laga hirgeliyay goob caafimaad oo ay ka faa`iideysan doonaan dadka ku nool deegaankaas iyo tuulooyinka ku xeeran, oo markii hore adeegyada caafimaadka u doonan jiray magaalada Laascaanood oo God Aalo u jirta 122 km.
Isbitaalka ayaa lagu dhisay lacag gaareysay $35,000, wuxuuna ka kooban yahay toddoba qeybooda iyo ku dhowaad 30 sariiro.
Haweenka uurka leh ayaa baahida ugu weyn u qaban xarun caafimaad, iyagoo haatan deegaankood aku helaya adeegyada ay u baahan yihiin, siduu sheegay Garaad Cabdisalaan Xasan Maxamed oo ka mid ah garaadada gobollada Sool iyo Sanaag.
“Haween badan ayaa dhiig bax u dhiman jiray markey guryaha ku dhalaan malahay wax dhiig joojin ah, sidoo kale haweenka foolanaya lalama gaari kain isbitaalka Laascaanooda, marka hadda taasi waa laga baxayaa.” Ayuu yiri garaadka.
Xaruntan caafimaad ee God Aalo ayaa waxaa dhisaya jaaliyadda deegaankaas ee qurbaha ku nool iyo hay`ad laga leeyahay waddanka Canada oo lagu magacaabo IRFAN Canada, waxayna la kaashanayaan dadka deegaanka.
Cabdikariim Olol/FM/AM
