Wasaaradda Haweenka iyo Xaquuqul insaanka Koonfur Galbeed ayaa wado mashruuca loogu talo galay awood siinta haweenka Koonfur-Galbeed ee ku saabsan siyaasada iyo is dhaxgalka bulshada.
Mashruucan ayaa hadda waxaa uu ka socdaa Magaalooynka Baydhabo, Bardaale iyo Xudur oo ka kala tirsan gobolada Bay iyo Bakool, waxaana isugu jiraan tababaro, doodo iyo kulamo qeybaha bulshada laga qeyb gelinaayo oo islamarkaana loogu sheegayo in haweenka siyaasada ka qeyb galikaraan.
Kulamada iyo doodaha qaar haweenka keligooda ayaa loo qabtaa oo loogu sheegaaa awooda ay leeyihin iyo in ay banaanka isu soo saaran oo xaqooda dhanka siyaasada dhacsadan halka kulamada qaarna laga soo qeyb galiyo odayaasha, culimada, siyaasiyinta iyo waxgaradka oo loo sheegayo iney haweenka tartami Karaan islamarkaana aan loo diidin siyaasada.
Wariyaha Raadiyo Ergo Muhudin Husni ayaa ka wareestay Maryan Sheekh Ibraahin oo ah agaasimaha qeybta jinsiyadda ee Wasaaradda Haweenka iyo Xaquuqul insaanka Koonfur Galbeed oo Madax ka ah mashruucan hada socda.
