(ERGO) – Kufsiga gabdhaha yaryar, haweenka uurka leh iyo kuwa da’da ah oo weli ka socda deegaanno ka tirsan gobollada Sanaag, Nugaal iyo Mudug ayaa ururrada u dhaqdhaqaa arrimaha haweenka waxay ka muujinaayaan walaac.
Iyadoo muddooyinkan ay ay deegaanada Puntland kusoo badanayaaan falalka kufsiga ah ayaa gobolka Sanaag labadii todobaad ee ugu dambeeyey ka dhacay ilaa shan kiis oo kufsi ah kuwaas oo aan weli cid ku eedeysan sharciga la keenin.
Haddaba waxa u sabab ah kiisaskan soo noqnoqonaya ayaa weriyaha Raadiyaha Ergo ee gobolka Sanaag, Maxamed Saalax waxa uu ka waraystay Xaawo Cabdullaahi Warsame oo u dhaqdhaqaaqa arrimaha haweenka. waxay ka warramaysaa kufsiga iyo dhibaatooyinka uu ku hayo haweenka iyo kiiskii ugu dambeeyey xalay uu ka dhacay magaalada Badhan ee gobolka Sanaag iyadoo lagu waxyeeleeyay gabar 14 jir ah oo saddex nin ay kuf sadeen.
