Ol-olaha tallaalka ka hortagga cudurka jadeecada ayaa ka socda ku dhowaad 10 sano ka hor ugu danbeysay in laga fuliyo Talaalka Jadeecada, ayaa carruurta ka yar tobonka sano helayaan tallaalka kuwaas oo deggan toolooyin ku yaalla Gobolka Bakool ee Koonfur Galbeed.
Tuulooyinkan oo hoostaga degmada Xudur ee xarunta gobalka Bakool ee hadda wasaarada caafimaadka Koonfur Galbeed talaalka gaarsiisay ayaa ka mid ah Gubad Galoole, Aboore, Weerow, Faajar, Eedanow, Waney, Farak, Galoole iyo Kuwo kale oo dhamaantood Xudur ka xiga Bariga, Koonfurta iyo dhanka Waqooyi.
Olalahan oo loogu tagalay muddo lix maalin ah ayaa waxaa qorshaha uu yahay in guud ahaan lagu beegsato tiro gaareysa 4800 oo carruur ah. Waxaa faa,iidada iyo fulintan howshan Raadiyo Ergo uga war bixiyay agaasimaha wasaarada caafimaadka Koonfur Galbeed Isxaaq Maxamed Mursal.
Kooxaha fulinaya tallaalka ayuu sheegay agaasimaha wasaarada inay gaarayaan ilaa toddobo koox oo midkii shan qof ka kooban, kuwaas oo u tababaran bixinta tallaalka socda, waxaan kooxdiiba maalintii laga rabaa inay isla maraan ugu yaraan saddex tuulo.
Mayow Mustaf Aadan deegaankiisa waa Galoole oo dhanka koonfur 31km uga beegan magaalada Xudur. Qoyskiisa waa xoolo dhaqato, wuxuu Sheegey in siddeediisa carruurta ah shan ka mid ah loo tallaalay, kuwaas oo uu sheegey in marar badan ladeeco soo ridatay, balse hadda uu rajeynayo in carruurtiisa wax u tari doono talaalkan ka hortaga jadeecada, isagoona Raadiyo Ergo u sheegay in markii ugu horeysay oo carruurtiisa loo tallaalo ay tahay.
“Tuulada manta waxaa nala jooga,Shaqalo Wasaarada, Hay,addaha iyo Maamulka Degmada Xudur,Waxaa aniga ahaan la ii talaaley Laba Wiil iyo Sedex Gabdhood,waxaan u aragnaa faa,iido weyn in daawo fadhigeena noogu keenaan,waxay aheyd arin baahi u qabney,sababtoo ah Jeedacada marna kama bixin caruurta waa nagu soo noq noqan jirtey”
Mayow Mustaf Aadan wuxuu Raadiyo Ergo u sheegey in Jadeecadu aad halis uga tahay carruurta taas uu marar badan caruurtiisa qatar gelisay, waxaana sideeda carruurta ah lix ka mid ah carruurta ku dhacday marar kala duwan, balse hadda uu rajeynayo in jadeecada tallaalkiisa ka difaaci lahaa carruurta ay wada qaateen.
Kooxaha fulinaya tallaalka ayaa sheegaya in maalintii boqolaal soo tallaalayaan kuwaas oo ku dhaqan tuulooyinka kala duwan ee horay tallaalka u gaari jirin sida uu Raadiyo Ergo u sheegay Cusmaan Cali Ciise oo aan la hadlay isagoo howlo tallaal ka wada deegaanka Eedanow ee Gobolka Bakool.
“Si ka hortag ah ayaan u bixinaynaa shaqaalaha waxay isugu jiraan kuwo wasaaradda caafimaadka ka socda, shaqaale kale oo horay loo tababaray oo marka olole la fulinayo howsha nala qabta marka qaar wacyi gelin ayay sameeyeen, kuwa tallaalka ayay sameynayaan, qaar waalidiinta u baahan in laga dhaadhiciyo ayay wax u sheegaan marka si nabad ah ayay noogu socotaa howsha,” ayuu yiri Cusmaan Cali
