Dadka ku nool magaalada Beledweyne ayaa ku howlan dayactir ay ku sameynayaa guryaha iyo goobaha ganacsi ee fatahaaddu ay saameysay. Dabayaaqadii bishii Juun ee la soo dhaafay ayay dadku dib ugu soo laabteen magaalada oo ay fatahaadda ka barakicisay.
Waxaa sidoo kale socda dayactir ay dhallinyaro iskaashatay ku sameynayaan waddooyinka iyo buundooyinka magaalada oo biyihii soo fatahmay ay waxyeello weyn gaarsiiyeen. Warbixin arrintaan faahfaahinaysa waxaa inoo haya weriyaha Raadiyo Ergo ee Beledweyne Jamaal Cali Cabdi.
