Ammaan darro soo wajahday xeryaha barakaca ee Baydhabo

Qaar kamid ah xeryaha barakaca ee ku yaalla magaalada Baydhabo ee xarunta gobolka Bay, ayaa waxaa ka jirta xaalado ammaan darro oo soo jiitamaysay tan iyo bilowgii sanadkan. Inta ay xaqiijisay wasaarada dib-u-dejinta iyo barakacayaasha ee dowolad goboleedka Koonfur-galbeed, 120 haween ah ayaa dhaawacyo kala duwan ay ka soo gaareen weeraro loogu gaystay iyaga oo guryohooda jooga ama biyo u doonanaya meel ka baxsan kaamka ay degan yihiin. Dhibaatooyinka haweenkan soo gaaray oo kiisas kufsi ah ay ku jiraan, ayaa waxaa warbixintan soo socota ku eegaya weriyaha Raadiyo Ergo ee magaalada Baydhabo Muxiyadiin Xasan Maxamed.