Faadumu Xuseen jaamac waa hooyo degen miyiga degaanka ina Afmadoobe oo koonfur kaga beegan Burco, una jira 65km, waxay abaarta ka hor ay lahayd adhi gaadhaya 100 neef, waxaa u soo doogay 25 neef, waxaa hadda u dhalay laabtan kamida.
Waxay Degentahay Tuulada agteeda waxaana laga siitaa koonbada caanaha ah 9kun shsl, waxayna noo goysaa kiilo bariis ah iyo rubuc sonkor ah, waana wax habeenkii ugu yaraan carruurta hal mar wax noogu cunaan, inta kalena caanahay cabaan oo xilliga barwaaqada cidi raashin sidaas uma cunto.
“Walaal adhigii 25ka ahaa manta waa 45 waan maalaa waanka lushaa oo subag iyo caanoba waan helay, carruurtii way ii dhantaa raashinkii waan ugu daraa oo cadays iyo caanaba waan helay, maalintii 6 koonbo oo caano ah ayaan kamaalaa, laba koonbo oo kamida waan iibiyaa tuulada ayaan ka iibiyaa waxaana koonbada layga siistaa 8000shsl oo caruurta aan bariis u siiyaa” Ayey tiri Faadumo.
