350 Qoys oo degena xerada Kambaso II ee degmada Dollow ayaa habeenkii labaad ay haystaa hoy la’aani, qoysaskaan ayaa guryahoodii waxaa dumiyey roobab daadad iyo dabaylo wata oo habeen hore ka da’ay degmadaas.
Hoolkaan ay dageen qoysaskan ayaa ah goob weegaaran oo jiingadi saaran tahay, markii horana loogu tala galay in dadka imanayaa ku nastaan, dadka hadda yimid cunto, caafimaad iyo musqulo ma haystaan, waxayna kusexdan kartoomo, halka kuwa kale dharka ay wataan ay dhulka ay dhigtaan . waxaa intaas u dheer ma wataan maacuun iyo cunno toona, iyadoo guryahooda wixii dhex yaalay ay daadadka qaadeen.
Cali Ibraahim Maxamed waa gudoomiye ku xigeenka xerada Kambaaso 2. Wuxuu sheegay in goobaha markii hore ay dadku guryaha ka dhisteen ahayd dhul dooxooyin ah oo biyo mareen ah oo roobabka meelo degmada duleedadeeda ah ka da’aa ay biyo ku soo rogaan, webigana biyahaasi ku darsamaan.
