Fatahaad ay biyaha Jaanka Caluula ku sameeyeen xaafaddaha xeebta ee degmadaas ayaa baragkiciyay in ka badan 80 qoys oo ay mawjadaha iyo biyaha badda ee soconayaa ay guryihii ka dumiyeen, kuwaas oo haatan dulsaar ku ah eheladooda halka qaar kalena ay teendhooyin ka dhisteen meel ka fog badda oo isla degmadaas ah.
Xoghayaha joogtada ah ee dowladda hoose ee degmadda Caluula Muuse Yaasiin Beeldaaje oo arrintan inooga waramay, wuxuu sheegay in ay fatahaadu sabtay ciid bacaad xoog leh oo ay xataa dadka deegaanku wax ka qaban waayeen oo iska buuxisay halkii Jaanku ama khuurigu uu biyaha kaga celin jiray Badda iyo dabaylaha beryahan jira. Weriyaha Ergo ee Garoowe Cabdiraxmaan Maxamed Xaaji, ayaa fatahaadda badda ka wareystay xoghaye Muuse Yaasiin.
