Boqolaal higtar oo ay ku beernaayeen khudaar iyo dalagyada firaleyda ayaa qalaalay markay waayeen biyihii waraabka, beerahaan ayaa waxay ku kala yaalaan degaanada Afgooye, Janaale, Qoryooley iyo Kuntuwaaray. Webiga ayaana qalalay bishii Diiseembar ee sanadkii ina dhaafay bilowgeedii, welina uu qalalan yahay.
Agaasmiha Wasaaradda Beeraha iyo waraabka koonfur galbeed Cabdiwhaab Siraaji Sheikh Maxamed , ayaa sheegay in 2500 oo higtar oo ay ku beernaayeen firalayda iyo khudaar ay waraab la’aanta u qalaleen, wuxuu kaloo intaas ku daray in wakhtigaan geed miroodka ay iyaguna khatar ku jiraan haddaan biyo dhakhso loo helin.
