Boqol oo qoys oo ku xoola beelay abaartii ayaa tacabka beeraha ka bilaabay deegaanka Dal-yare ee gobolka Sool oo dhinaca koonfureed ka xiga 35km xarunta gobolka ee Laascaanood
Beeralayda deegaankaas oo tiro ahaan gaaraya 480 ayaa ku caawiyey dadkaan qaybo ka mid ah dhul ay beertaan.
Axmed Cabdi Haybe oo ka mid iskaashatada beeralayda ayaa Ergo u sheegay in dadkaani ay u imanayeen tan iyo bishii afraad ee sanadka oo ahayd markii abaaruhu sii darsadeen
“Dadka noo yimid waxay ahaayeen qoysas fara maran, duruuf adagna haysato, waxaan ku dhiiri gelinay inay dhul fashaan, aanna ku caawino wixii beerasho ay uga bahan yihiin” Ayuu yiri Axmed.
Wuxuu intaas ku daray xilliyaday imanayeen oo ahayd wakhti kulul ay, iyaga laftigooda ay xaaladda ku cuslayd laakiin ay nolol ahaan dhaameen
‘’Waxaan siinay dhul, abuur iyo hab aan ula wadaagno biyaha ceelasha aan ka helno waraabka” Ayuu yiri Axmed
Wuxuu intaas ku daray in ay dadka wax ugu sii muhiimsan ee ay ku caawiyeen ahayd inay tusaan sida wax loo beero, ayna kala shaqaynayeen taas maalin kasta
“Iskaashata beeraha ee degaankaani ayaa tiro ahaan gaadhaya ilaa waxaan isu qaybinay koox kastaa qolo gaar ah ay gacan u siiso” Ayuu yiri Axmed
Halkaan hoose ka dhegeyso xogta oo cod ah.
