Aadan Cabdi Abaarey oo ah gudoomiye ku xigeenka degmada Xudur ayaa Ergo u sheegay in dad tiradoodu dhantahay 2700 oo qoys ay deegaan siiyeen labadii todobaad ee ugu danbaysay, dadkaan ayaa ka soo hayaamay tuulooyin ka tirsan gobolka B akool.
Barakacayaashan ayaa sii cusleeyey xaaladda nololeed ee ka jirto degmadda Xudur oo dadka ku nool ay ku jiraan nolal ciriiri ah oo ay keentay go’doonkii sanadka ka badan.
Gudoomiye ku xigeenka ayaa sheegay in hadda dadku ay ka dhisteen xeryo barakaca duleedka degmada
Weriyaha Ergo ee goboladdaas Muxiyadiin Xusni oo tegey degmadaas ayay dadkaani u sheegeen inay ka soo hayaameen deegaannada colaaduhu ka jiraan ee gobolka.
Faadumo Axmed Cabdi waxay kasoo barakacdey deegaanka Kulan Jareer oo Xudur galbeedka kaga began 45KM, ayaa Ergo u sheegay inay uga haysato sagaal carruur ah, ayna uga timid dhulkay deganayd markii ay cuntadii gabaabsi ku noqotay.
Barakacyaashan cusubi magaallada ay nolosha u soo raadsadeen waa mid go,adoonsan oo aaney ka jirin dhaq dhaqaaq ganacsi, iyaga iska daayee dadkii horey u joogey ay nolal cariiir ah ku nool.
Dahabo Xasan waa 60-sano jir, heystana 8 carruur ah, waxay dhex fadhiday markaan u tegey aqal yar oo aan wada deeqin iyada iyo carruurteeda, waxaan dul tagey iyada oo carruurta u karineyso badar dariska u keeneen, waxaan weydiiyey sida nolasheeda ay tahay.
“Busley ayaa ka imid bishaan 19 keedii, oo galbeedka Bakool ah, maalmo yar ayaa halkan joogaa, cabsi ammaan iyo wax la’aan ayaan kasoo barakacney, nabad geliyo ayaa soo raadsaney, nolasha aan ku jirno ma ahan wax ka sheegi karo”
