Qoysas 15 sano ku noolaa xeryaha qaxootiga Dhadhaab ee dalka Kenya oo dhawaan ku noqday magaalada baydhabo ee gobolka Baay ayaa la kulmay beerahoodii uu noqday dhul hawd ah kadib markii ay isku dayeen inay dib u beertaan xilli roobaadkan.
Xuseen Axmed Ibraahim ayaa Radio Ergo u sheegay in 15 sano kadib uu ku soo laabtay beertiisi oo hadda u doonayo in u dib u falo balse caqabadda haysata ay tahay beertii oo u ekaatay goob aan waligeed wax abuur ah lagu samayn, uuna u baahan yahay in laga gacan siiyo sidii uu u hagaajin lahaa beertiisa oo laga jari lahaa dhir ka baxday oo uusan awoodin in kaligii uu wax ka qabto.
Beerta Xuseen ayaa ku taalla deegaanka Iidaale oo ka tirsan degmada Baydhabo.
Sacadiyo Xasan Ibraahim oo la hadashay Radio Ergo ayaa sheegtay in 15-sano ay ku maqnayd qoxootiga Kenya,‘’ beeraley ayaa ahay, kor hor inta aanan aadin Kenya waxaan haystay noola fiican, waayo dalagga beeraha ayey ku tiirsanayd noolasha qoyskeyga, hada barakac ayaa nahay dhulkii beeraha oo aan lahayn aad ka faa’ideystaanna waxay ka baxay dhir faba badanoo aysan suurta gal ahayn in dallag lagu beero waxan codsanayaa in beeraha nala hagaajiyo si aan u baruuno.
Cabdi Cali Aadan oo ka mid ah qoxootiga beeraleyda ah dalka dib ugu soo laabtey ayaa Ergo u sheegey in sababta markii hore wadanka uga carareen ay aheyd dagaalo wadanka ka jirey, hadase ay diyaar u yihiin iney beerahooda ku laabtaan hadii lagu gacan qabto si nolasha xeriyaha barakacyaasha ay ku jiraan ay wax isaga badasho,
Waxaa kaloo jira qoysas Beeraley ah oo dalka dib loogu soo celiyey oo xili roobadkan la filayay iney ka mid noqdaan kuwa ku howlan tacbashada beerahooda balse ku dhibaateysan xeryaha barakacayaasha Baydhabo oo ay ku haystaan hoyi la,aan, hase ahaatee qaar ka mid ah qoysaskan ayaa markii hore waxaa ay horey isaga iibiyeen beerihii iyo xoolihii ay dhaqan jireen sida ay sheegtay Qureesho Aadan Maxamed oo laba bilood ka hor ka soo laabatay Kenya 15 sano oo ay halkaa ku noolayd horayn u iibisay hantiteedi.
