Shantii maalmood ee la soo dhaafay waxaa soo gaaray magaaladda Boosaaso ee gobolka Bari sideed doonyood oo sida dad ka soo firxanaya dagaaladda Yemen, dadka doonyahan saaran ayaa ah badi dadkii Soomaalida qaxootiga ku ahaa Yemen ee iyagu awooday inay dhaqaale ahaan u soo safraan.
Axmed Cilmi Cismaan oo ah wasiirka arrimaha guddaha ee Puntland ayaa Ergo u sheegay “Carruur iyo haween ayaa u badan dadka aan diwaan gelinay, sidaadaas doonyood Soomaali ayey u badan y ihiin, tiradooduna waa 253 guud ahaan dadka soo gaaray Boosaaso, 93 carruur ah, 75 waa dumar, 85 waa rag, badi dadka imanayaa waxay u badanyihiin reer Puntland, waxaase ku jira dad ka soo qaxay markii hore koonfurta Soomaaliya, qaar ka mid ah dadkaasna waxaan u gudbinay goboladoodii koonfureed, welina dhibaato badan kuma qabno”.
Puntland ayaa guddi u saartay dadka ka soo cararaya colaadaha Yemen si ay ugu diyaariyaan goobo lagu hayo iyo sidii loogu fududayn lahaa inay dib ugu noqdaan goboladii ay markoodii hore ka soo carareen.
Naciimo Maxamed Aadan waa hooyo ka mid ah dadkaan wadatana 3 carruur ah, 13 ka hor ayey u tahriibtay Yemen iyadoona ka timid Muqidhso, iyadoo gabadh ah, waxay ku guursatay Yemen oo carruurta ku dhashay, waxaan deganaa magaaladda Cadan, waxaana xafadaydii haleeshay duqayn dhinaca cirka ah, nin Yemeni ah ayaa iga gacan siiyey inaan u soo raaco doon Boosaaso, doontu waxay iga soo qaadatay 50 dollar, waxaan kaloo bixiyey xoogaa lacag ah oo la iigu fududeeyey inaan doonta soo raaco lana soo baxsado ilmahayga.
Puntland ayaa sheegtay inay filayaan qaxooti kale oo dheeraad ah, ayna ka codsanayaan hay’addaha gargaarka inay indhah ku hayaan qul qulka qaxootiga si loogu wada diyaar garoobo si wada jir ah dadka ka soo firxanaya colaadda Yemen, waxaase weli ku xaniban Yemen kumaan qaxooti Soomaaliy iyo Ethiobiyaan isugu jira oo iyaga ay u suurtoobi wayday inay ka soo baxaan wadankaas oo hadda colaado ka socdaan.
