Qulqulka dhallinyarada tarhriibta ee ka ka tegaysa dalka una safraya dalka doonayan inay uga sii gudbaan dalalka Yurub ayaa la sheegayaa in uu saamayn ku yeeshay ardayda dugsiyada sare iyo kuwa dhexe.
Axmd Xasaasi waa arday dhigta fasalka afraad ee dugsiga sare ee Gambool ee magaalada Garoowe, mar uu la hadlay Ergo ayuu sheegay in uu laba jeer uu isku dayey in uu tahriibo intii u dhexeysay 20 December iyo 6-bishan January balse laga soo qabtay magaalada Wajaale oo ku taalla xadka ay wadaagaan wadamada Soomaaliya iyo Ethiopia.
Axmd Xasaasi ayaa ku andacoonaya in ardeyda iyo dhallinyarad ay tahriibka ku qasabto wadanka oo aan lahayn fursado shaqo, barnaamijyo hormarineed, dowladda dhallinyarada daryeesha iyo saaxiibadooda tahriibay ee ku guuleystay in ay galaan wadama Yurub u sheega inay haystaan nolal ka wanaagsan midda taalla Soomaaliya, fursado fiican oo wax walba u sahalaya oo hiyi kac ku abuuro qofka jooga dalka iyo waxyaabo kale.
Agaasimaha guud ee wasaaradda dhallinyarada iyo ciyaaraha Puntland, Axmed Cabdalla Tigaana ayaa Radio Ergo u sheegay in ardeayda ay tahriibaan xilliga lagu jiro fasaxyada iskuullada, kuwaasoo ka faa’iideysanaya fursaddaasi, wuxuu intaa ku darey in aan loo aanayn karin shaqo la’aanta jirta inay u tahriibayaan, waayo qaarkood ma gaarin xilli ay shaqeeyaan, sida uu sheegay.
Tigaana ayaa sidoo kal esheegay in maamulka uu dagaal kula jiro tahriibka waxaa maalin kasta la qabtaa dhallinyaro badan oo doonaya inay ka tagaan dalka, ayadoo dadka tariibaya ay isgu jiraan gabdho iyo wiilal.
Mukhtaar Cali Mursal oo maamule ku xigeen ka ah dugsiga sare Nugaal ee magaalada Garoowe ayaa Ergo u sheegay in 4 ka mid ah ardeyda dusigooda ay sanadkan tariibeen, balse wuxuu xusey in bahda waxbarashada iyo waali diinta toona aysan samayn wax barnaamij ah oo ardeyda looga baajiyo tahriibka haddii uu fasax jiro iyo haddii kale.
Wasaaradaha waxbarashada iyo dhallinyarada ee maamulka Puntland oo ay Ergo wax ka waydiisay tirada ardeyda ee tahriibay muddooyinkii danbe waxay sheegeen in aysan hayn tiro rasmi ah, balse waxaa la sheegayaa in boqolkiiba 15 ay tahriibaan ardeyda dugsiyada sare.
