Maxamed Axmed Bootaan oo ku nool goobolka Sanaag oo iskiis isku xilqaamay ayaa sheegay in uu guul ka gaaray joojinta jarista iyo dhuxuleynta dhirta qoyanqaar ka mid ah deegaannada ee gobolkaas.
Maxamed Axmed Boostaan oo muddo ka badan 10 sano u ololaynayey arrimaha deegaanka oo wareysi siiyey Radaayaha Ergo ayaa sheegay inay ku guulayteen in dhul dhan 350 KM oo isku weer ay inay ka saaraan 502 laba qof oo ka shaqayna san jiray gubista dhirta kadib markii ay cabsasho ka timid dadka xoolo dhaqata ah oo sheegay in deegaanka ay ka socoto xaalufin.
Maxamed ayaa sheegay in markii ay arkeen dhibaatadda haysata noloshoodii ay isu taageen iyagoo kaashaday dhammaan qayabaha bulshada ee deegaanka oo isugi jiray dumar iyo rag dhaqaalaha iyo xooggabana ay iyagu bixiyeen. “Markii hore waxaan samaynay qiimayn ku aadan heerka dhibaatada lagu hayo dhirta kadina waxaan samaynay wacyi galin si aan dadka uga dhaadhicinpo dhibaatada ka dhala karta xaalufinta deegaanka maadaama xoolo dhaqato aan nahay,” ayuu yiri.
Maxamed Axmed Boostaan ayaa Ergo u sheegay in mudadii 10 sano ahayd ee ilaalinta deegaanka uu waday ay ku dhinteen 18, kuwa kale ay ku dhaawacmeen halka asaga laftiisa uu la kulmay xariig u xirnaa bishii Sebteembar 2007, kadib markii lagu eedeeyey in dagaalka u wado uusan ahayn mid dhawrista deegaanka balse ay arrimo kale jiraan, hawsha joojinta xaalufka ayuu sheegay inay marar badan abuurtay xaaladdo amaan darro, bulshaduse ay markii dambe ka gudbeen caqabadihii kana midoobeen ilaalinta deegaanka, Maxamed ayaa ka mid ah dadka gacanta wanaagsan ku siiyey Fatima Jibriil oo ah haweenayda Africa wakhtigaan u qaadatay abaalmarinta ilaalinta deegaanka.
Wuxuu intaa ku daray in wali ay xaalufinta deegaanka ka socoto dhanka dhulka xeebaha ee Boosaaso iyo Laasqoray kaasoo gaaray 120 KM iminka ay ku hawlan yihiin sidii ay wax uga qaban lahaayeen.
Maxamed Axmed Bootaan ayaa sheegay in arriintan ololaha dhawrista deenaaka uu si mutadawacnimo ah u billaabay sanadkii 2004 asagoo sheegay in isku duubniada bulshada lagu gaaro guul iyo hormar sida hadda aan ugu guulaysnay in gabi ahaanba aan joojinyo xaalufinta deegaanaka.
Waxaan soo jeedinayaa in qofkasta oo Soomaali ah uu uu ku dedaalo in uu ilaaliyo dhirta.
Maxamed Hasan
