Ibraahim Cumar Macalin waa aabe 55 jir ah, afar carruur ah leh, indhoole ah kuna nool xero barakaca oo ay ku jiraan dadka naafada ah kuna taal xaafadda Wada jir ee Muqdisho wuxuuna la daala dhacaa helitaanka nolosha qoyskiisa.
Ibrahim oo la hadlaya Ergo ayaa sheegay “Waxaan ahaa farsamo yaqaan, sameeya alaabooyinka guryaha sida sariiraha iyo fadhiyadda, waxaanan ka shaqaysan jiray Muqdisho”
Ibrahim ayaa sheegay inuu haddaba weli ku shaqeeyo farsamidiisii, mana deyn, annigoo indha la ayaanan weli ku shaqeeyaa, way jirtaa in nabaro igu gaaraan, sida inaan faraha isaga dhufto dubaha ama miishaarta isaga jaro, laakiin markaad indho qabtaba intaasi waa kugu dhacdaa. Xeradda barakaca dadka ku jira ayuuna hadda u sameeyaa alaabta iyagoona ka codsada.
Ibrahim ayaa sheegay inuu xilliga cabirka alaabta iyo marka mashiinka lagu jarayo uu gacan waydiisto farsamayo yaqaano kale, isagoona caawiya dadka lixaadka la’ ee kula jira xerada una sameeya alaabooyinkay u bahan yihiin sida kuraas ay ku fariistaan
Wuxuuna sheegay in 15 sano ka hor xanuun madaxa ka qabtay uu u dhindha belay, dhowr goor uu isbitaal tegeyna loo sheegay inaan indhihiisa wax laga qaban karin.
Ibraahim ayaa sheegay inuu ku faraxsan yahay shaqadiisa inuu sii wato, tanoo uu sheegay inay tahay dhiiri gelin ay helayaan inay wax qabsadaan dadka lixaadka la, isagoona sidaas kula taliyo kuwooda kula jira xerada.
Farxiyo
