Beeraley iyo xoolo dhaqato ku sugan degaano ka tirsan Arabsiyo oo ka tirsan Hargeysa ayaa ka faa’iidaystay mashruuc lagu tayo gelinayo daaqa iyo caanaha xoolaha.
Mashruucaan oo socday 6-dii bilood ee ugu danbaysay ayaa waxaa fulinaysa hay’adda ICIPE oo ka shaqaysa baaritinnaada cayayaanka iyo cuduradda ku dhaca beeraha, iyadoo Midowga Yurubna uu maal geliyey, mashruucaan ayaa loogu tala galay inay ka faa’iidaystaan dadka isla tabcada xoolaha iyo beeraha.
Dr. Maxamed Xasan Maxamuud oo ah madaxa mashruucaan ee hay’adda ICIPE ayaa Ergo u sheegay
“Mashruucaan waxaa la yiraahdaa mashruuca tayeynta iyo horumarinta Somaliland, wuxuuna soo bilowday bishii May ee sanadkaan, mashruucu qaybo badan ayuu leeyahay, ICIPE aya fulinaysa.
Ujeedada mashruucu waa in daaqa oo ah dhibaatadda haysata xoolo dhaqatada Soomaaliya loo helo hab wanaagsan, mashruucu wuxuu tijaabiyey laba nooc oo caws ah lagana keenay wadanka Baraasiil oo lakala yiraahdo Barakeriya, dismodiam, waana hannaan beeralayda yar yare ee xoolaha dhaqdaa isku dhex beeran karaan daaq iyo raashin, waana arrin si wanaagsan u midho dhashay markaad aragto wejiga koowaad sidii loo arkay jawaabteedii
Cabdulqaadir Maxamuud Axmed oo ah beeraley iyo xoolo dhaqato oo ku nool tuulada Huluqo ee ka tirsan Arabsiyo ayaa Ergo u sheegay in tijabadaan cusub ay ka faa’iidaysteen 5tii bilood ee la soo dhaafay “annigu waxaan leeyahay lix sac iyo 30 adhiya, iyo beer dhan afartan mitir oo isku wareeg ah, horay daaqa dhulka caadi uga baxa ayaa siinayey, waxaanan ka helayey sacii 1 litir oo caano ah, intaan cawskaan siinayey waxaan ka helaa 2 litir sacii, runtiina noloshii qoyskayga way is bedeshay, waxaan dakhli u helay carrurtaydii oo hadda 4 ka mid ahi ay aadan iskuul”
Dr. Maxamed Xasan ayaa sheegay in cawskaani u leeyahay faa’iidooyin door ah bulshada, sida inuu ciidda u nafaqeeyo, ka hortegista cayayaanka oo urtiisa ay ka cararayaan iyo inuu daaq fiican u noqdo xoolaha, cawskaan ayaa uga adkaysi badan roob yarida cawskii horay uga bixi jiray wadanka ayna rajaynayaan inuu wax ka taro daaq xumidda haysata xoolo dhaqatada Soomaaliya.
Maxamed Xasan
