Deegaanno hoostaga degmada Doolow ee gobolka Gedo. ayaa laga soo sheegayaa in xilligan ka jiraan abaaro ba,an oo saamayn ku yeeshay dadka iyo duunyada.
Gudiga abaaraha ee demada Doolow oo booqaday tuulooyin iyo deegaannada miyiga ah, sida Barasta,Qudurey, Bohol,Bur-guduud,Toosileey,War-garas iyo kuwa kale ayaa sheegaya in dhammaan goobahaas ay ka taagan tahay iyo la,aan iyo baad la,aan haysata dadka iyo xoolaha.
Shariifo Maxamuud Xasan oo ka tirsan dadka deegaanka Bur-Guduud ayaa Radio Ergo u sheegtay inay haystaan dhibaatooyin ay ka mid yihiin Biyo la,aan,cunno la,aan,ayadoo tilmaantay in biyaha ay u raadsadaan maasaafo gaaraysa afartan KM.
Abaarta ka jirta deegaannada iyo miyiga gobolka gedo ayaa keentay in xoolaha oo aad weyd u ah aysan u aroori Karin goobaha biyaha laga cabbo taasoo sababtay in xoolo fara badan ay oon u le’daan.
Xaawo Cabdiraxmaan Cabdi, oo ka tirsan gudiga abaaraha ee degmada Doolow ayaa sheegtay in dadkaasi dhibaataynsan ay gaarsiiyeen 30 booyayood oo biyo ah taasoo aan dabooli Karin baahida jirta.
Dadka ku nool deegaannaada abaartu saamaysey ayaa codsanaya kaalmo .
Maxamed Macallin /FO
